آ ئندہ ہماری جماعت کو ہمیشہ خود کی اصلاح کے ساتھ آگے بڑھنا چاہئے، شی جن پھنگ

فوٹو: شِںہوا

بیجنگ (شِںہوا) شی جن پھنگ کمیونسٹ پارٹی آف چائنہ کی مرکزی کمیٹی کے جنرل سیکرٹری منتخب ہوگئے ہیں۔ اعلامیہ میں بتایا گیاہے کہ ان کا انتخاب اتوار کو منعقدہ کمیٹی کے پہلے مکمل اجلاس میں ہوا۔

اعلامیہ کےمطابق شی کی زیر صدارت اجلاس میں کمیونسٹ پارٹی آف چائنہ کی 20 ویں مرکزی کمیٹی کے 203 ارکان اور 168 متبادل ارکان نے شرکت کی،شی کو کمیونسٹ پارٹی آف چائنہ کے مرکزی فوجی کمیشن کا چیئرمین بھی نامزد کیا گیا۔

اجلاس میں شی جن پھنگ، لی چھیانگ، ژاؤ لی جی، وانگ ہوننگ ، چھائی چھی، ڈنگ شوئے شیانگ اور لی شی کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے ارکان منتخب ہوئے۔

اسی اجلاس میں کمیونسٹ پارٹی آف چائنہ کی مرکزی کمیٹی کے سیاسی بیورو کے ارکان کا انتخاب بھی عمل میں آیا، جس نے کمیونسٹ پارٹی آف چائنہ کی مرکزی کمیٹی کے سیاسی بیورو کی قائمہ کمیٹی کے نامزد کمیونسٹ پارٹی آف چائنہ کی مرکزی کمیٹی سیکریٹریٹ ارکان کی توثیق کی۔

اجلاس میں مرکزی فوجی کمیشن کے ارکان بھی نامزد کئے گئے،اجلاس نے 20 ویں مرکزی کمیشن برائے نظم و معائنہ کے پہلے مکمل اجلاس میں منتخب ہونے والے مرکزی کمیشن برائے نظم و معائنہ کے سیکرٹری، نائب سیکرٹریز اور ارکان کی منظوری دی۔

بعد میں کمیونسٹ پارٹی آف چائنہ کی مرکزی کمیٹی کے جنرل سیکرٹری شی جن پھنگ نے اپنے خطاب میں کہا آ ئندہ ہماری جماعت کو ہمیشہ خود کی اصلاح کے ساتھ آگے بڑھنا چاہئے، شی جن پھنگ کا شرکا سے خطاب۔

شی نے اتوارکو عظیم عوامی ہال میں پریس سے خطاب میں کہا کہ ایک سیاسی جماعت کا ماضی کتنا ہی شاندار رہا ہو، یہ صرف اسی صورت میں ناقابل تسخیر بن سکتی ہے جب وہ خود اصلاح کے لئے پرعزم رہے۔

شی جن پھنگ نے کہا کہ گزشتہ صدی کی انقلابی مشکلات ، ذہن سازی اور خاص طور سے نئے دور کے پہلے عشرے نے کمیونسٹ پارٹی آف چائنہ کو مضبوط اور زیادہ متحرک کردیا ہے۔

 ان کا کہنا تھا کمیونسٹ پارٹی آف چائنہ کے ارکان سے کہا کہ وہ چوکس رہیں اور آگے کے سفر میں نئی مشکلات اور آزمائشوں کا سامنا کرتے ہوئے سنجیدہ اور محتاط رہیں۔

شی نے مزید کہا کہ ہمیں یہ بات یقینی بنانی ہے کہ ہماری صدی پرانی اور دنیا کی سب سے بڑی جماعت خود اصلاحات سے مزید مضبوط ہوجائے اور یہ ریڑھ کی ہڈی بنی رہے جس پر چینی عوام ہمہ وقت اعتماد کرتے ہیں۔