فوٹو: فائل
پرتھ: پاکستان کو ورلڈ کپ کے اہم میچ میں زمبابوے نےشکست دے دی،پاکستان کی سست رفتار بیٹنگ 132 کاہدف بھی حاصل کرنے میں ناکام رہی۔
پاکستانی بلے باز 132 رنز کے تعاقب میں8 وکٹوں کے نقصان پر 130 رنز بنا سکےہمت ہار گئے اور سیمی فائنل تک رسائی مشکل ہوگئی۔
حسب سابق بابراعظم اور رضوان نے سست رفتار آغاز کیا پھر یکے بعد دیگرے4 اور14 رنز بنا کر آوٹ ہوگئے،افتخار5، شاداب خان17 رنز بنا کر پویلین لوٹے۔
شان مسعود 44 رنز بنا کر ایک بار پھر ٹاپ سکورر رہے اور اسی طرح حیدر علی ایک پھرفیل ہوئے اور صفر رنز پرپہلی بال پر آوٹ ہوگئے۔
ٹی ٹوئنٹی ورلڈکپ میں گروپ ٹو کے میچ میں زمبابوے نے پاکستان کو سنسنی خیز مقابلے کے بعد ایک رنز سے شکست دے دی۔
زمبابوے کی جانب سے سکندر رضا نے 3 اور براڈ ایون نے 2 کھلاڑی آؤٹ کیے،یوں پاکستان کو لگا تار دومیچز میں دوسری شکست کا سامنا کرنا پژا۔
پاکستان کو پہلے میچ میں بھارت نے 4 وکٹوں سے شکست دی تھی۔دو میچز میں ہار کے بعد قومی ٹیم کا سیمی فائنل میں پہنچے کا سفر بظاہر مشکلات سے دوچار ہوگیا ہے۔
پاکستان کو ورلڈ کپ کے اہم میچ میں زمبابوے نےشکست دے دی( فوٹو: ٹوئٹر)
اس سے قبل پرتھ کے ویسٹرن آسٹریلیا کرکٹ گراؤنڈ (واکا) میں کھیلے گئے میچ میں زمبابوے کے کپتان گریک اروائن نے ٹاس جیت کر پہلے بیٹنگ کا فیصلہ کیا۔
زمبابوے کے کریگ اروائن اور ویسلے مدھیویر نے اننگز کا آغاز کیا اور ٹیم کو 42 رنز کا آغاز فراہم کیا، ویسلے مدھیویر 17 رنز بنا کر آؤٹ ہوئے جبکہ اروائن نے 19 رنز کی اننگز کھیلی۔
ملٹن شمبا کو 8 کے انفرادی اسکور پر شاداب خان نے اپنی ہی گیند پر کیچ آؤٹ کیا، پھر 14 ہویں اوور میں شاداب خان نے پہلے سین ولیمز کو 31 رنز پر بولڈ کیا۔
پھر اگلی ہی گیند پر ریگس چکا بوا کو بھی اگلی ہی گیند پر سلپ میں بابر اعظم کے ہاتھوں کیچ آؤٹ کرا دیا۔ شاداب خان نے 4 اوورز میں 23 رنز دیکر 3 کھلاڑیوں کو آؤٹ کیا۔
اس کے بعد محمد وسیم جونیئر نے سکندر رضا کو بھی 9 رنز پر پویلین بھیج دیا اور پھر اگلی ہی گیند پر لیوک جونگوی کو بھی بولڈ کر دیا۔
وسیم جونئر نے چار اوورز میں 24 رنز دے کر4 وکٹ حاصل کئے ، حارث روف نے 4 اوورز میں 12 رنز دے کرایک وکٹ حاصل کی
تبصرے بند ہیں.