لاہور: تحریک انصاف لانگ مارچ رواں دواں، عمران خان کا فوری الیکشن کا مطالبہ، لانگ مارچ شرکا سے خطاب کرتے ہوئے عمران خان نے کہا کہ ہم کوئی غیر آئینی مطالبہ نہیں کررہے ہیں۔
لانگ مارچ جمعہ کو لاہور کے مختلف علاقوں میں رہے گا جبکہ ہفتہ کو شاہدرہ سے آگے چلیں گے، مارچ میں پارٹی کے مرکزی رہنماؤں کے علاوہ ہزاروں افراد شریک ہیں.
چئیرمین پی ٹی آئی عمران خان نے کہا کہ میں سب سے اہم سفر شروع کررہاہوں، میرے لیڈرقائداعظم نے ہمیں انگریزوں سے آزاد کرایا تھا، وقت آگیا کہ ہم ملک کی حقیقی آزادی کا سفر شروع کریں۔
انھوں نے کہا میرا مارچ سیاست یا ذاتی مفاد کےلئے نہیں ہے، مارچ کا مقصد صرف ایک ہے کہ اپنی قوم کو آزاد کروں ، فیصلے ملک سے باہر نہ ہوں نہ لندن نہ واشنگٹن۔
سابق وزیراعظم نے کہا کہ پاکستان کے فیصلے پاکستان میں ہونےچاہئیں، کوئی ہمیں نہ کہےکہ ہم کسی کی جنگ میں شامل ہوں، روس سستاتیل دے تو اپنی قوم کو مہنگائی سے بچا سکتا ہوں توکوئی حکم نہ دے۔
عمران خان نے کہا میں ایک آزاد ملک دیکھنا چاہتاہوں، لوگ تماشا دیکھ رہےہیں قوم مہنگائی میں ڈوب رہی ہے ، 50 سال میں سب سے زیادہ مہنگا اس امپورٹڈ حکومت نے کی ہے۔
موجودہ حکومت کے حوالے سے عمران خان نے کہا کہ 1100ارب روپے چوری اور کرپشن کے کیسز معاف کرارہےہیں قوم تماشا دیکھ رہی ہے، قوم ہر قربانی دینے کو تیار ہے چوروں کو قبول نہیں کرےگی۔
عمران خان کا کہنا تھا کہ عدلیہ سے کہتا ہوں ہم آئین کے مطابق چلیں گے ہم پرامن رہیں گے اور ہمارے تمام احتجاج پرامن ہوتے ہیں، 26سال سے آئین اورقانون کےاندرچلے ہیں۔
سابق وزیراعظم نے کہا عدلیہ رانا ثنااللہ اور شہباز شریف پرنظر رکھے رانا ثنااللہ 18 قتل کرنے والامجرم ہے، اگر کچھ غلط کیا تو یہ کریں گے ہم نہیں.
تبصرے بند ہیں.