پی ٹی آئی حمایت یافتہ عابد شاہد سپریم کورٹ بار کے صدر منتخب

اسلام آباد: پی ٹی آئی حمایت یافتہ عابد شاہد سپریم کورٹ بار کے صدر منتخب، حامد خان گروپ کےعابد شاید زبیری نے 199 ووٹوں کے فرق سے حکومتی حمایت یافتہ عاصمہ جہانگیر گروپ کو شکست دی۔

بار کے غیرحتمی نتائج کے مطابق حامد خان گروپ کے ایڈوکیٹ عابد شاہد زبیری نے1347 ووٹ حاصل کئے اور 199 ووٹوں کی لیڈ سے صدر سپریم کورٹ بار منتخب ہوگئے۔

تمام 12 پولنگ اسٹیشنز کے غیرحتمی نتائج کے مطابق حامد خان گروپ کے عابد شاہد زبیری کو 1347 ووٹ ملے جبکہ عاصمہ جہانگیر گروپ کے ایڈوکیٹ خالد جاوید کو 1148 ووٹ مل سکے۔

سپریم کورٹ بار ایسوسی ایشن کے انتخابات میں حکومتی حمایت یافتہ عاصمہ جہانگیر گروپ کو 3سال بعد شکست کاسامنا کرنا پڑا ہے۔

سپریم کورٹ بار ایسوسی ایشن کے سالانہ امتحانات میں اسلام آباد پولنگ اسٹیشن سے بھی عابد زبیری کو فتح حاصل ہو ئی، عابد زبیری کو اسلام آباد سے 251 ووٹ ملے جبکہ ان کے مخالف خالد جاوید 227 ووٹ لے سکے۔

بلوچستان میں پروفیشنل پینل کے حمایت یافتہ امیدوار عابد زبیری نے 75 ووٹ حاصل کیے جبکہ شکیل اور کامران مرتضیٰ کے پینلز حمایت یافتہ امیدوار خالد جاوید نے 57 ووٹ حاصل کیے۔

سپریم کورٹ بارکے انتخابات میں 3 ہزار 328 ووٹرز نے اپنا حق رائے دہی استعمال کیا ۔ سپریم کورٹ پرنسپل سیٹ اسلام آباد پر جڑواں شہروں سے 592 ووٹرز اپنا ووٹ کاسٹ کیا۔

حامد خان گروپ کی طرف سے صدارت کیلئے تحریک انصاف کے حمایت یافتہ امیدوار ایڈوکیٹ عابد شاہد زبیری نے اپنے مدمقابل عاصمہ جہانگیر گروپ کے ایڈوکیٹ خالد جاوید شکست دی۔