برسبین:ٹی ٹوئنٹی ورلڈ کپ، بنگلہ دیش زمبابوے کو3 رنز سے شکست دیدی ، سپر 12 مرحلے کے میچ میں بنگلہ دیش نے سنسنی خیز مقابلے کے بعد زمبابوے کو ہرایا۔
برسبین میں کھیلے جارہے میچ میں بنگلہ دیشی کپتان نے ٹاس جیت کر پہلے بیٹنگ کی اورمقررہ 20 اوورز میں بنگال ٹائیگرز کی ٹیم 7 وکٹوں کے نقصان پر 150 رنز بنائے۔
بنگلہ دیش کی طرف سے اوپنر نجم الحسن شنٹو نے 71 رنز،کپتان شکیب الحسن ایک بار پھر بڑی اننگز کھیلنے میں ناکام رہے انہوں نے 23 رنز اسکور کیے۔
بنگلہ دیش کےدیگر کھلاڑیوں میں سومیا سرکار صفر، لٹن داس 14، عفیف حسین 29 اور مصدق حسین 7 رنز بناکر نمایاں رہے۔
زمبابوے کی جانب سے رچرڈ نگروا اور بلیسنگ مزاربانی نے دو دو جبکہ سکندر رضا اور شان ولیمز ایک ایک وکٹ حاصل کرسکے۔
ہدف کے تعاقب میں زمبابوے کا آغاز اچھا نہ تھا تاہم شان ولیمز کی شاندار اننگز کی بدولت افریقی ٹیم نے بنگال ٹائیگرز کو ٹف ٹائم دیا، ولیمز نے 64 رنز کی اننگز کھیلی وہ شکیب الحسن ہاتھوں رن آؤٹ ہوئے۔
بنگلہ دیش کی جانب سے تسکین احمد نے 2 جبکہ مصدق حسین اور مستفیض الرحمان نے ایک ایک وکٹ حاصل کی۔
تبصرے بند ہیں.