اسلام آباد:وزیراعظم آزادکشمیر سردار تنویر الیاس خان نے کہا ہے کہ آزادکشمیر میں بلدیاتی انتخابات التوا کا شکار نہیں ہونگے، تنویرالیاس کا کہناہے وفاق کی جانب سے سکیورٹی فورسز کی فراہمی ۔نہیں ہوتی توپنجاب،کے پی کے،گلگت بلتستان سے سکیورٹی فورسز اور پاک فوج سے د رخواست کردی ہے
وزیراعظم آزادکشمیر سردار تنویر الیاس خان نے میڈیا سے گفتگو کرتے ہوئے کہا کہ عمران خان کے ویژن،پی ٹی آئی کے انتخابی منشور اور عوام سے کیے گئے بڑے وعدے کو عملی جامہ پہنانے اورسپریم کورٹ کی ہدایات کے مطابق بلدیاتی انتخابات مقررہ وقت پر ہونگے۔
انھوں نے کہاالیکشن کمیشن کو ان کی ضرورت کے مطابق بروقت انتخابات کے انعقاد کیلئے وسائل مہیا کردئیے گئے ہیں۔ انتخابات کے لیے سکیورٹی فورسز کا کوئی ایشو نہیں،وفاقی حکومت اور صوبوں سے رابطے میں ہیں۔
سردار تنویر الیاس نے کہا عوام افواہوں پر کان نہ دھریں اور انتخابات کی بھرپور تیاری کریں۔ 31سال بعد بلدیاتی انتخابات کا انعقاد پی ٹی آئی کی حکومت کا اعزاز ہے۔
حکومت آزادکشمیر وفاقی وزیرداخلہ سے رابطے میں ہے اور سکیورٹی فورسز کی فراہمی کے حوالے سے بات چیت جاری ہے۔
اگر کسی وجہ سے انتخابات کے لیے وفاق کی جانب سے سکیورٹی فورسز کی فراہمی ممکن نہیں ہوتی تو حکومت آزادکشمیر پنجاب،کے پی کے،گلگت بلتستان سے سکیورٹی فورسز اور پاک فوج سے بھی سکیورٹی کیلئے د رخواست کردی ہے
تبصرے بند ہیں.