اسلام آباد: ٹی ٹوئنٹی ورلڈ کپ ،پاکستان اب بھی سیمی فائنل کھیل سکتاہے، اگر مگراب بھی برقرارہے، بنگلہ دیش کے انڈیا کے ہاتھوں پانچ رنز سے شکست کے باوجود پاکستان کی امید کادیا روشن ہے۔
پاکستان کرکٹ ٹیم کو ٹی ٹوئنٹی ورلڈ کپ میں اگرمگر برقرار رکھنے کےلئے اپنے دونوں میچز جیتنا ضروری ہیں۔
پاکستان کی جیت کی صورت میں ہی امید قائم رکھی جاسکتی ہے،کرکٹ اتفاقات کا کھیل ہے صورتحال کسی بھی وقت رخ بدل سکتی ہے۔
اگر پاکستان نیدر لینڈ سے اور انگلینڈ ائر لینڈ سے ہار سکتا ہے تو پھر بھارت زمبابوے اور جنوبی افریقہ نیدرلینڈ سے بھی ہار سکتاہے۔
بھارت اور جنوبی افریقہ کی ہار کی صورت میں پاکستان سیمی فائنل کی دوڑ میں واپس آجائے گا،ایک اور صورت جنوبی افریقہ اور نیدرلینڈ کا میچ بارش کی نذر ہوجائے تو جنوبی افریقہ کا ایک پوائنٹ ضائع ہوجائے گا۔
پاکستان کے دونوں میچز جیتنے کی صورت میں پوائنٹس برابرہوجائیں گے،رولز کے مطابق ایسی صورت میں میچز کی جیت پر فیصلہ ہوگا اورپاکستان جنوبی افریقہ سے آگے ہو جائے گا،پاکستان اور جنوبی افریقہ کے دو، دواور بھارت کاایک میچ باقی ہے۔
اب تک کے پوائنٹ ٹیبل کے مطابق بھارت نے4 میچز کھیلے 3 جیتے 6 پوائنٹس، جنوبی افریقہ 3 میچز 5 پوائنٹس، پاکستان 3 میچز میں2 پوائنٹس ہیں، بھارت کاایک اور پاکستان اور جنوبی افریقہ کے دو، دومیچز باقی ہیں۔
ٹی ٹوئنٹی ورلڈ کپ میں بدھ کو بنگلا دیش کی بھارت کے خلاف شکست نے پاکستان کے سفر کو مشکل بنادیا، بنگلہ دیش بارش سے پہلے اچھی پوزیشن میں تھا لیکن ڈک لوئس سسٹم کے تحت ان کے جیتنے کااعلان کرن کی بجائے پونے گھنٹے انتظارکیاگیا۔
تبصرے بند ہیں.