فوٹو:فائل
اسلام آباد:وفاقی وزیر داخلہ رانا ثناء اللہ نے کہا ہے سوشل میڈیا میں کچھ چیزیں ایسی ہیں جنھیں کنٹرول کرناچاہیے، وزیرداخلہ کا کہنا ہے اگر بل سے آزادی اظہار رائے پر قدغن لگی تو حکومت بل واپس لے گی۔
میڈیا سے گفتگو کرتے ہوئے وزیرداخلہ نے کہا یہ سنجیدہ معاملہ ہے، چاہتے ہیں آزادی اظہار رائے کو نقصان نہ پہنچے، اظہار رائے کی آزادی برقرار رکھتے ہوئے صحافتی تنظیمیں رہنمائی کریں۔
رانا ثنا اللہ نے کہاسوشل میڈیا سے متعلق میڈیا اور دیگر اسٹیک ہولڈرز سے مشاورت کا فیصلہ کیا ہے تاکہ اس سمت کوئی قدم اٹھایا جاسکے۔
حکومت نے ایف آئی اے کو مزید اختیارات دینے سے متعلق میڈیا اور دیگر اسٹیک ہولڈرز سے مشاورت کا فیصلہ کرلیاہے تاہم کوئی بہتر راستہ نکال سکیں۔
ان کا کہنا تھا کہ سوشل میڈیا سے لوگوں کی نجی زندگی کو نقصان پہنچایا جارہا ہے،اس چیز سے بچنے کےلئے قدم اٹھانا ضروری ہوگیا ہے۔
رانا ثنا اللہ نے کہا جب ہم عمران خان سے مذاکرات کی بات کرتے ہیں تو یہ گالیاں دینا شروع کردیتے ہیں، تو پھر ان سے ہم کیا بات کریں۔
وزیر داخلہ کا کہنا تھا کہ عمران خان سیاسی دہشت گرد ہے اس لیے نواز شریف نے مذاکرات سے انکار کیااس کی زبان ہی ایسی ہے کہ کسی سے سید ھے منہ بات نہیں کرتا۔
انہوں نے کہا کہ اسمبلی کو اپنی مدت پوری کرنی چاہیے، ایک دن پہلے بھی انتخابات نہیں ہونے چاہیئں، ان کیلئے وہی پیشکش ہے جو وہ کہتے تھے۔
تبصرے بند ہیں.