فائل:فوٹو
لاہور: لانگ مارچ کے کنٹینر پر فائرنگ میں گولی لگنے سے زخمی پاکستان تحریک انصاف کے چیئرمین عمران خان کا شوکت خانم ہسپتال میں تیسرے روز بھی علاج معالجہ جاری ہے۔ تاہم آج ان کو ہسپتال سے ڈسچارج کیے جانے کا امکان ہے۔
ذرائع کے مطابق 4 رکنی میڈیکل بورڈ پاکستان تحریک انصاف کے چیئرمین عمران خان کا طبی معائنہ کرے گا۔ اس کے ساتھ ساتھ عمران خان کے مزید ٹیسٹ بھی کیے جائیں گے۔ ڈاکٹروں نے عمران خان کو دو ہفتے آرام کا مشورہ دیا ہے، جس کے تناظر میں انہیں آج ہسپتال سے ڈسچارج کیے جانے کا امکان ہے۔
دوسری جانب صدر مملکت ڈاکٹر عارف علوی کی شوکت خانم ہسپتال آمد کا امکان ہے، جہاں وہ چیئرمین پی ٹی آئی عمران خان کی عیادت کریں گے۔ملاقات میں صدر مملکت اور سابق وزیراعظم ملکی سیاسی صورت حال پر تبادلہ خیال بھی کریں گے۔
یادرہے کہ شوکت خانم ہسپتال کے میڈیکل بورڈ نے گزشتہ روز عمران خان کی تمام میڈیکل رپورٹس کو تسلی بخش قرار دیا تھا۔
تبصرے بند ہیں.