فوٹو : فائل
اسلام آباد: الیکشن کمیشن ن لیگ کے انٹرا الیکشن نہ ہونے پر برہم، شہبازشریف کو نوٹس جاری کیا گیا ہے، پارٹی یا انتخابی نشان معطل کرنے کی وارننگ دے کر مزید مہلت دے دی.
الیکشن کمیشن کے 4 رکنی بینچ نے مسلم لیگ ن کے انٹرا پارٹی الیکشن کے معاملے پر دائر درخواست کی سماعت کی اور انٹرا الیکشن کا جائزہ لیا.
الیکشن کمیشن میں مسلم لیگ ن کی طرف سے کوئی وکیل پیش نہیں ہوا بلکہ اس موقع پر پارٹی آفس کے ملازم پیش الیکشن کمیشن میں پیش ہوئے۔
الیکشن کمیشن نے انٹرا پارٹی الیکشن نہ کروانے کے معاملے پر مسلم لیگ ن کے صدر شہباز شریف اور سیکرٹری جنرل احسن اقبال کو نوٹسز جاری کر دیے۔
سماعت کے دوران ممبر الیکشن کمیشن جسٹس ریٹائرڈ اکرام اللہ نے ریمارکس دیے کہ مسلم لیگ ن تو پارٹی الیکشن میں دلچپسی ہی نہیں لے رہی، کیوں نہ مسلم لیگ ن کی معطلی ہو؟ ان کا نشان واپس لیا جائے؟
حکام الیکشن کمیشن نے کہا کہ ہم نے پارٹی کو شوکاز نوٹس بھیجا ہے، جس پر ممبر الیکشن کمیشن نثار میمن نے کہا کہ مسلم لیگ ن کو ایک آخری موقع دے دیتے ہیں۔
ممبر الیکشن کمیشن کے پی نے ریمارکس دیے کہ اگلی سماعت تک مسلم لیگ ن کو معطل کریں آخری موقع دیتے ہوئے مسلم لیگ ن انٹر پارٹی الیکشن کی سماعت 21 نومبر تک ملتوی کر دی.
واضح رہے کہ مسلم لیگ ن کے شہبازشریف ہی صدر ہیں اور وزیراعظم کا عہدہ بھی ان ہی کے پاس ہے جبکہ مسلم لیگ ن کے قائد نواز شریف عدالت سے سزا یافتہ ہیں.
تبصرے بند ہیں.