فوٹو : اسکرین گریب ٹویٹر
لاہور: پاکستان تحریک انصاف کے چیئرمین عمران خان کو لگی گولیوں کی ویڈیو پہلی بار منظر عام پر آگئی،عمران خان کو دائیں ٹانگ پر گولیوں کے تین زخم ہیں ، دو زخم ران میں اور ایک گھنٹے سے نیچے ہے۔
لانگ مارچ میں 3 نومبر کو عمران خان پر قاتلانہ حملہ کیا گیا 12 دن گزرنے کے باوجود زخم بھرنے کا عمل سست ہے اور ڈاکٹرز کہتے ہیں زخم ابھی مندمل نہیں ہوئے اس لئے سابق وزیاعظم کو بیڈ ریسٹ جاری رکھنی ہے۔
ویڈیو میں دیکھا جاسکتاہے عمران خان ڈریسنگ کے دوران پرسکون بیٹھے ہوئے ہیں جب کہ اس دوران ڈاکٹرز زخم کا معائنہ کرتےہیں جو کہ خاصے گہرے ہیں اور زخم ابھی بھرے نہیں ہیں۔
قاتلانہ حملہ وزیر آباد میں ہوا، عمران خان کو گولیاں لگی تھیں جب کہ اس حملے میں ایک شخص جاں بحق اور بارہ زخمی ہوئے تھے، عمران خان کو لگی گولیوں کے زخم پہلی بار سامنے آئے ہیں۔
Bullet wounds are prominent, all 3 bullets had different directions. #imrankhaninjured#ملک_دشمن_عمران_کذاب_نیازی pic.twitter.com/fCOaJUVcu2
— ?????? ????? (@NadeemZaeem) November 14, 2022
چئیرمین پی ٹی شوکت خاتم اسپتال میں ڈاکٹر بلال اور ڈاکٹر الیاس کے زیرعلاج ہیں، ڈریشنگ میں واضح نظر آرہا ہے زخم نہ صرف مندمل نہیں ہوئے بلکہ گہرے ہیں،وزیر داخلہ رانا ثنااللہ سمیت حکومتی رہنما عمران خان کو لگی گولیوں پر ابہام میں مبتلا تھے جو فوٹیج کے بعد ختم ہوگیا۔
لاہور کے شوکت خانم ہسپتال کے ڈاکٹرز نے عمران خان کا طبی معائنہ کیا، ڈاکٹرز نے زخموں کا معائنہ کرنے کے بعد نئی بینڈیج بھی کر دی،زخموں کا طبی معائنہ آنے والے دنوں میں بھی جاری رکھا جائے گا۔
عمران خان کو لگی تینوں گولیوں کے زخم دائیں ٹانگ پر ہیں جب کہ ڈریسنگ بائیں ٹانگ پر بھی کی گئی ہے،ذرائع کے مطابق دوسری ٹانگ میں گولیوں کے زرات لگے جس سے معمولی زخم آئے ہیں۔
تبصرے بند ہیں.