فائل:فوٹو
لاہور: پاکستان تحریک انصاف چیئرمین عمران خان کے دونوں بیٹے قاسم اور سلیمان زمان پارک سے واپس لندن روانہ ہوگئے۔
اپنے والد عمران خان کی عیادت کیلئے پاکستان آئے قاسم اور سلمان زمان پارک سے واپس لندن روانہ ہوئے، زمان پارک سے روانگی کے وقت سکیورٹی کے سخت انتظامات کئے گئے تھے۔
دوسری جانب عمران خان کے بیٹوں قاسم اورسلیمان کی لاہور ائیرپورٹ پر تصاویر سامنے آگئیں۔ قاسم اور سلیمان ائیرپورٹ پر شہریوں سے گھل مل گئے اور تصاویربھی بنوائیں۔ عمران خان کے بیٹوں کی پاکستان آمد کے بعد سامنے آنے والی یہ پہلی تصاویر ہیں۔
یاد رہے کہ قاسم اور سلمان گزشتہ جمعرات کو پاکستان پہنچے تھے، دونوں نے اپنے والد کے ساتھ چند روز گزارے، پی ٹی آئی کے چیئرمین عمران خان نے بیٹوں کی آمد کے باعث اپنی سیاسی مصروفیات کو محدود کر دیا تھا۔
تبصرے بند ہیں.