فوٹو:فائل
برسلز: یورپی یونین نےمظاہرین پر تشدد کرنے پر ایران پر پابندیاں عائد کردیں،یہ پابندیاں وزیرداخلہ اور سرکاری ٹی وی سمیت 29 شخصیات اور اداروں پرلگائی گئی ہیں۔
اس حوالے سے عرب میڈیا کی رپورٹس کے مطابق نئی پابندیاں ایران میں جاری احتجاجی مظاہروں کے دوران تشدد کرنے پر عائد کی گئیں۔
یورپی یونین کی جانب سے جاری بیان میں ایران میں مظاہرین پر تشدد کی مذمت کرتے ہوئے ایرانی وزیرداخلہ احمد واحدی، ایرانی انقلابی گارڈ کے چیف، سائبر پولیس کے سربراہ شامل ہیں۔
ایران کی 29 کمپنیوں اور شخصیات پرعائد پابندیوں میں سفری پابندیاں، اثاثوں کا منجمد ہونا اوردیگر شامل ہیں جب کہ ایران پہلے ہی پابندیوں کی زد میں ہے۔
ایران میں گزشتہ کئی ہفتوں سے حکومت کے خلاف مظاہرے جاری ہیں۔ مظاہرین پر تشدد اور کریک ڈاؤن میں متعدد افراد ہلاک ہوچکے ہیں۔
تبصرے بند ہیں.