فائل:فوٹو
لاہور: پاکستان شوبز کی خوبرو اداکارہ اشنا شاہ کہتی ہیں کہ اگر ساتھ کام کرنے والوں کو بھائی نہ کہا جائے تو اْن کا دماغ خراب ہوجاتا ہے۔ ’اگرآپ لڑکی یا عورت کو کولیگ یا پیشہ ورانہ دوست کی حیثیت سے لیں تو بھائی بنانے کی ضرورت نہیں ہوگی‘۔
اداکارہ اشنا شاہ کے ایک بیان کے سوشل میڈیا پر خوب چرچے ہو رہے ہیں اور خاص طور پر خواتین صارفین اشنا شاہ کے اس بیان پر اْن سے متفق نظر آتی ہیں۔
سماجی رابطے کی ویب سائٹ ٹوئٹر پر اپنے خیالات کا اظہار کرتے ہوئے اداکارہ نے کہاکہ’بہت سے لوگ پوچھتے ہیں کہ بھائی کیوں کہتی ہو، پیشہ ورانہ ماحول میں ہمیں بھائی کہنے کا شوق نہیں بلکہ ضرورت ہوتی ہے‘۔
“Yaar bhai kyu kehti ho”. Professional environment mein humein bhai kehnay ka shauk nahi, zaroorat hei. Agar bhai na kaheiN toh kaafi hazraat ka deemagh kharab ho jaata hei. Ap larki/aurat ko as a platotic friend ya colleague treat karein toh bhai bananay ki zaroorat nahi hogi.
— Ushna Shah (@ushnashah) November 15, 2022
اداکارہ کا کہنا تھا کہ ’اگربھائی نا کہیں تو بہت سے حضرات کا دماغ خراب ہوجاتا ہے‘۔اشنا نے مرد حضرات کو متوجہ کرتے ہوئے کہاکہ ’اگرآپ لڑکی یا عورت کو کولیگ یا پیشہ ورانہ دوست کی حیثیت سے لیں تو بھائی بنانے کی ضرورت نہیں ہوگی‘۔
خیال رہے کہ کچھ روز قبل اشنا شاہ نے شوبز انڈسٹری کے راز سے پردہ اْٹھاتے ہوئے بتایا تھا کہ شوبز انڈسٹری میں زیادہ تر لوگ فراڈیے اور بیشتر چیزیں حقیقت کے برعکس ہیں۔
اشنا شاہ اکثر ہی سماجی اور شوبز سے جْڑے معاملات پر بالی ووڈ اداکارہ کنگنا رناوت کی طرح بیباک انداز اپناتی نظر آتی ہیں تاہم ان کے خیالات سے زیادہ تر مداح اتفاق کرتے بھی دکھائی دیتے ہیں۔
تبصرے بند ہیں.