فوٹو: اے ایف پی
دوحہ: قطرکے شہر دوحہ میں فٹ بال کےعالمی کپ کی رنگا رنگ افتتاحی تقریب، تقریب میں سعودی ولی عہد سمیت دنیا بھر سے آئی کئی ممتاز شخصیات نے شرکت کی۔
دوحہ کے البیت سٹیڈیم میں فیفا ورلڈ کپ 2022 کی رنگا رنگ افتتاحی تقریب میں دنیا بھر کے بہترین پرفارمرزنے جوہر دکھائے، فٹبال ورلڈکپ ٹرافی کی رونمائی کی گئی۔
اس موقع پر تقریب میں خصوصی ڈاکومنٹری دکھائی گئی، عرب کا روایتی رقص اور میوزک پیش کیا گیا جس سے سب محظوظ ہوئے۔
افتتاحی تقریب میں روایتی رقص کے دوران شامل تمام 32 ممالک کے جھنڈے لہرائے گئے، رنگا رنگ تقریب میں فٹبال ورلڈکپ میسکاٹس کی بھی نمائش کی گئی۔
Fireworks display in Doha 🇶🇦 ahead of the opening World Cup game tomorrow.pic.twitter.com/SSSJzLEEuF
— FIFA World Cup 2022 (@2022_QatarWC) November 19, 2022
افتتاحی تقریب میں خصوصی عربی لڑکا توجہ کا مرکزبنا رہا جب کہ کورین گلوکار اور بی ٹی ایس رکن جنگ کک نے آواز کا جادو جگایا اور سب کو جھومنے پر مجبور کردیا۔
کورین گلوکار اور بی ٹی ایس رکن جنگ کک آواز کا جادو جگایا، امریکی گروپ بلیک آئیڈپیز کی پرفارمنس توجہ کا مرکز بنی رہی، انگلش گلوکار روبی ولیمز نے سروں کے تال میل سے جوش دلایا۔
تقریب میں بھارتی پرفارمر نورا فتیحی نے بھی پرفارم کیا، میزبان قطر میں سربراہان مملکت کو شرکت کی دعوت دی گئی، افتتاحی تقریب میں آتشبازی کا مظاہرہ بھی کیا گیا۔
فیفا ورلڈ کپ 2022میں کل 32 ٹیمیں ٹرافی کے لیے لڑیں گی، تمام ٹیموں کو چار چار کے 8 گروپوں میں تقسیم کیا گیا ہے۔
گروپ اے میں قطر،ایکواڈور، سینیگال اور نیدر لینڈ شامل ہیں، گروپ بی میں انگلینڈ، ایران، امریکا اور ویلز موجود ہیں، ارجنٹائن، سعودی عرب، میکسیکو اور پولینڈ گروپ سی کا حصہ ہیں، گروپ ڈی فرانس، آسٹریلیا، ڈنمارک اور تیونس پر مشتمل ہے۔
گروپ ای میں سپین، کوستا ریکا، جرمنی اور جاپان ، گروپ ایف میں بیلجیئم، کینیڈا، مراکش اور کروشیا، گروپ جی برازیل، سربیا، سوئٹزر لینڈ اور کیمرون جبکہ پرتگال، گھانا، یوراگوئے اور جنوبی کوریا گروپ ایچ میں شامل ہیں۔
Children recite from the Qurʾān as Qatar inaugurated the Al Thumama Stadium in Doha, which was built for the FIFA World Cup, last year. pic.twitter.com/R5remyqn0f
— Islamic Strength (@islamicstrength) November 18, 2022
گروپ مرحلے میں روزانہ چار میچ کھیلے جائیں گے اور ہر گروپ سے دو ٹیمیں اگلے مرحلے کے لیے کوالیفائی کریں گی،فٹبال ورلڈ کپ کے مقابلے 20 نومبر سے 18 دسمبر کے درمیان کھیلے جائیں گے۔
میگا ایونٹ کے 64 میچز قطر کے 5 شہروں کے 8 سٹیڈیمز میں کھیلے جائیں گے، فائنل 18 دسمبر کو ہوگا، فرانس کی ٹیم ایونٹ میں اپنے اعزاز کا دفاع کرے گی۔
واضح رہےفیفا ورلڈکپ میں پاکستان کی ٹیم رواں سال بھی حصہ نہیں مگر پاکستان کے لئے اعزاز کی بات یہ ہے کہ پاکستان کے علاقے سیالکوٹ میں تیار کردہ فٹبال ’الریحلہ’ تمام میچز میں استعمال ہوں گے۔
فیفا ورلڈ کپ شروع ہوگیا، پہلے میچ میں میزبان قطر کو شکست کاسامنا کرنا پڑا اور ایکواڈور نے میگاایونٹ میں فاتحانہ آغاز کیا۔
میگا ایونٹ کے گروپ اے کے پہلے میچ میں میزبان قطر کو ایکواڈور نے 0-2 سے ہرایا، ایکواڈور کی طرف سے دونوں گول ویلنشیا نے پہلے ہاف میں کیے۔
دوسرے ہاف اور اضافی وقت میں دونوں ٹیمیں کوئی گول سکور نہ کر سکیں، میزبان قطری کھلاڑیوں کی کوششیں ناکام رہیں اور کوئی کامیابی حاصل نہ کی۔
تبصرے بند ہیں.