فوٹو:انٹرنیٹ
اسلام آباد: چین کے نیشنل ڈیولپمنٹ اینڈ ریفارم کمیشن کے ترجمان مینگ وی کاکہناہے کہ سی پیک نے گزشتہ 9 سال میں ایک لاکھ 90 ہزار افراد کے لیے ملازمتوں کے مواقع فراہم کیے ہیں۔
ایک بیان میں چین کے نیشنل ڈیولپمنٹ اینڈ ریفارم کمیشن کے ترجمان مینگ وی نے کہا ہے کہ چین پاکستان اقتصادی راہداری (سی پیک) نے گزشتہ 9 سال میں ایک لاکھ 90 ہزار افراد کے لیے ملازمتوں کے مواقع فراہم کیے۔
ترجمان نے کہا کہ چین اور پاکستان نے 2013 میں سی پیک پر مشترکہ تعاون کمیٹی قائم کی جس میں گوادر پورٹ، توانائی، انفرا اسٹرکچر اور صنعتوں میں تعاون پر توجہ دی گئی۔
ان کاکہناتھا کہ حالیہ برسوں میں دونوں ممالک نے سائنس اور ٹیکنالوجی، زراعت، معاشرتی ترقی، ذریعہ معاش اور انفارمیشن ٹیکنالوجی کی صنعتوں کے شعبوں میں اپنے تعاون کو وسعت دی ہے۔
تبصرے بند ہیں.