فوٹو:سوشل میڈیا
روم: سابق وزیراعظم ومسلم لیگ (ن) کے قائد محمد نواز شریف کی اٹلی کے شہر میلانو کے ریسٹورنٹ میں فیملی کے ہمراہ تصویر وائرل ہوگئی
(ن) لیگ کے قائد نواز شریف کی اٹلی میں سیر و تفریح کی تصویر سامنے آگئی۔ اٹلی کے شہر میلانو کے ریسٹورنٹ میں فیملی کے ہمراہ وائر ل ہونے والی تصویر میں ان کے بیٹے حسین نواز بھی ان کے ہمراہ ہیں۔ نواز شریف ریسٹورنٹ میں بیٹھے ہیں اور انہوں نے ہیٹ پہنا ہوا ہے۔
نواز شریف اور مریم نواز سمیت شریف خاندان کے دیگر افراد 10 روز کے لیے یورپ ٹور کر رہے ہیں۔ حسین نواز، حسن نواز اور جنید صفدر بھی ان کے ہمراہ ہیں۔
خیال رہے کہ گزشتہ ہفتے ہی حکومت نے نواز شریف کو آئندہ پانچ سال کے لئے سفارتی پاسپورٹ جاری کیا ہے۔
دوسری جانب پی ٹی آئی رہنماء فواد چوہدری کا بھی نواز شریف کی تصویر پرردعمل سامنے آگیا۔ انہوں نے ٹوئٹ کرتے ہوئے کہا کہ نواز شریف کی اٹلی سے تصویریں ہمارے عدالتی نظام کی بے بسی اور بے وقعت ہونے کا اظہار ہیں۔
نواز شریف کی اٹلی سے تصویریں ہمارے عدالتی نظام کی بے بسی اور بے وقعت ہونے کا اظہار ہیں،ایک سزا یافتہ شخص جس کا ضمانتی ہمارےسسٹم نے وزیر اعظم بنا دیا پورے نظام کا منہ چڑا رہا ہے،اس جرم میں شریک لوگ پاکستان کا سب سے طاقتور مافیا ہیں اس مافیا کی شکست سے ہی پاکستان کا مستقبل ہے
— Ch Fawad Hussain (@fawadchaudhry) November 23, 2022
انہوں نے کہا کہ ایک سزا یافتہ شخص جس کا ضمانتی ہماریسسٹم نے وزیر اعظم بنا دیا پورے نظام کا منہ چڑا رہا ہے۔
فوادچوہدری نے مزید کہا کہ اس جرم میں شریک لوگ پاکستان کا سب سے طاقتور مافیا ہیں اس مافیا کی شکست سے ہی پاکستان کا مستقبل ہے۔
تبصرے بند ہیں.