اسلام آبادضلعی انتظامیہ کی عمران خان کے ہیلی کاپٹر کی پریڈ گراونڈ میں لینڈ نگ کی اجازت سے دینے سے معذرت

فائل:فوٹو

اسلام آباد: ضلعی انتظامیہ نے ہیلی پیڈ نہ ہونے کی بنیاد پر چیئرمین تحریک انصاف عمران خان کے ہیلی کاپٹر کی پریڈ گراونڈ میں لینڈ نگ کی اجازت سے دینے سے معذرت کرلی

ضلعی انتظامیہ کی جانب سے جاری نوٹیفکیشن کے مطابق 26 نومبر کے پی ٹی آئی جلسے کے لیے مشروط اجازت ہوگی، اسلام آباد کی حدود سے صرف خیبرپختونخواہ سے آنے والی ریلیوں کو گزرنے کی اجازت ہو گی جبکہ اسلام آباد کی حدود میں کسی قسم کے جلسے اور عوامی اجتماع ہر پابندی عائد ہے

ضلعی انتظامیہ نے پی ٹی آئی ریلیز کے لیے مشروط اجازت دیتے ہوئے واضح کیا کہ پارٹی چیئرمین اپنے دستخط سے 25 نومبرتک بیان حلفی جمع کروائیں، پریڈگراوٴنڈ میں ہیلی پیڈ نہیں ہے۔

نوٹیفکیشن کے مطابق پریڈ گراوٴنڈ ایک حساس جگہ ہے، پی ٹی آئی کی ریلی کومخصوص روٹس استعمال کرنا ہوں گے، کیپی کے سے آنے والے قافلے جی ٹی روڈ اور موٹروے سے پشاور روڈ اور آئی جے پی روڈ استعمال کریں گے۔

ضلعی انتظامیہ نے کہا کہ پنجاب سیا?نیوالیقافلیٹی چوک روات سیکورال تک پھرراولپنڈی جائیں گے، مری اورآزادکشمیرسے آنے والے قافلے کورال انٹرچینج سے پرانے ایئرپورٹ روڈ کی طرف جائیں گے۔

نوٹیفکیشن کے مطابق روٹ استعمال کرنے کی اجازت صرف ایک دن کی ہوگی، اگرکوئی بھی ناخوشگوارواقعہ پیش آیاتواجازت نامہ منسوخ ہوجائیگا۔

دوسری جانب تحریک انصاف کے لانگ مارچ کے لیے عمران خان کے ہیلی کاپٹر کی پریڈ گراوٴنڈ لینڈنگ کی اجازت کے معاملے میں جی ایچ کیو کا جواب سامنے آگیا۔

آرمی کے جنرل ہیڈ کوارٹر نے جواب دیا ہے کہ ہمیں آپ کے ہیلی کاپٹر کے اترنے پر کوئی اعتراض نہیں، پریڈ گراوٴنڈ سی ڈی اے کی حدود میں آتا ہے اس لیے آپ اجازت کے لیے سی ڈی اے یا حکومت سے رجوع کریں۔

تحریک انصاف اسلام آباد کے صدر علی نواز اعوان نے کہا ہے کہ وفاقی حکومت کے اپنی الرٹس کے مطابق چیئرمین تحریک انصاف کی سلامتی کو خطرات لاحق ہیں، چیئرمین تحریک انصاف کی پرامن حقیقی آزادی مارچ میں بحفاظت شرکت کیلئے ہیلی کاپٹر کا استعمال اہم ہے۔

انہوں نے کہا کہ جی ایچ کیو کے این او سی کے بعد وفاقی حکومت کے پاس ہیلی کاپٹر کی آمد و روانگی کی راہ میں رکاوٹ ڈالنے کا کوئی جواز نہیں، جی ایچ کیو کے مراسلے کے بعد وفاقی حکومت بہانہ سازی ترک کرے اور پریڈ گراوٴنڈ میں ہیلی کاپٹر کی آمد و رفت کی اجازت دے۔

دوسری جانب اسلام آباد انتظامیہ نے عمران خان کو ریلی کی اجازت دیتے ہوئے نوٹیفکیشن جاری کیا ہے تاہم انہیں ہیلی کاپٹر لینڈنگ کی اجازت دینے سے بدستور انکار کردیا ہے۔

نوٹیفکیشن میں کہا گیا ہے کہ تحریک انصاف کو 26 نومبر کے لیے جلسے کی مشروط اجازت دی جارہی ہے تاہم عمران خان کے ہیلی کاپٹر کو پریڈ گراوٴنڈ میں لینڈ نگ کی اجازت نہیں دی جاسکتی۔