جو لیڈراپنی غلطی مان نہیں سکتا وہ لیڈر نہیں بن سکتا، آرمی چیف

فائل:پی سی بی 

اسلام آباد:پاکستان کرکٹ بورڈ کے چیئرمین رمیز راجہ نے ورلڈ کپ کرکٹ ٹیم کے اعزاز میں عشائیہ کااہتمام کیاجس میں صدر مملکت عارف علوی اور آرمی چیف جنرل قمر جاوید باجوہ نے بھی شرکت کی۔

صدر مملکت نے کہا کہ قومی ٹیم نے ورلڈ کپ ہارنے کے باوجود بہترین کرکٹ کھیلی جبکہ آرمی چیف جنرل قمرجاوید باجوہ نے کہا کہ لیڈر شپ کا کام لڑنا ہوتا ہے، ہار جیت ہوتی رہتی ہے جو لیڈراپنی غلطی مان نہیں سکتا وہ لیڈر نہیں بن سکتا۔

چیئرمین پی سی بی رمیز راجہ کا ورلڈ کپ کرکٹ ٹیم کے اعزاز میں منعقد کئے گئے عشائیہ میں ورلڈ کپ کے تمام کھلاڑیوں کو مدعو کیا گیا ۔عشائیے میں صدر مملکت عارف علوی اور آرمی چیف جنرل قمر جاوید باجوہ بھی شریک ہوئے ۔

صدر مملکت عارف علوی نے قومی کرکٹ ٹیم کے اعزاز میں منعقدہ تقریب سے خطاب کرتے ہوئے کہا کہ قومی کرکٹ ٹیم کے ارکان میرے ہیروز ہے کرکٹرز اپنی کارکردگی سے قوم کو لطف پہنچاتے ہیں پورا پاکستان کرکٹ ایکسپرٹ بن چکا ہے ۔

انہوں نے کہا کہ قومی ٹیم نے ورلڈ کپ ہارنے کے باوجود بہترین کرکٹ کھیلی ۔کرکٹ ٹیم خراب پرفارمنس کے بعد ایک بہترین پرفارمنس دکھاتے ہیں یہ کھلاڑی قوم میں خوشیاں بکھرتے ہیں قومی ٹیم کی مزید کامیابیوں کیلئے دعا گو ہوں۔

قومی کرکٹ ٹیم کے اعزاز میں منعقدہ عشائیہ کی تقریب میں سوال و جواب کا سلسلہ ہوا ۔آرمی چیف نے کہا کہ ٹی 20کرکٹ فارمیٹ میں شاداب خان بہترین کرکٹر ہے،لیڈر شپ کا کام لڑنا ہوتا ہے.

🎥 Highlights from a special event ✨

Recognising and honouring the team's recent accomplishments and feats 🇵🇰 pic.twitter.com/5nqH06mNvG

— Pakistan Cricket (@TheRealPCB) November 24, 2022

ہار جیت ہوتی رہتی ہے جو لیڈراپنی غلطی مان نہیں سکتا وہ لیڈر نہیں بن سکتا، آرمی چیف کا کہنا تھا شاہین آفریدی زخمی نہ ہوتا تو فائنل کارزلٹ مختلف ہوتا ، آرمی چیف نے مزید کہا کہ ورلڈ کپ میں ہم کلوز مارجن سے ہارے ،بھارت ورلڈ کپ میں 10وکٹوں سے ہارا،ہماری ٹیم اب دوبارہ کھڑی ہوگئی ہے۔

جنرل قمر جاوید باجوہ نے قومی کرکٹرز کی کارکردگی کوسراہا آرمی چیف نے بابر اعظم اور شاہین آفریدی سے بھی گفتگو کی ۔آرمی چیف نے شاہین آفریدی سے انکی انجری سے متعلق دریافت کیا۔

صحافیوں سے غیر رسمی گفتگوکرتے ہوئے آرمی چیف نے کہا کہ قومی کرکٹرز بہت اچھا کھیلتے ہیں ۔کھلاڑی اپنی کارکردگی کو مزید بہتر بنانے کیلئے محنت کریں نوجوان کھلاڑیوں کو سپورٹ کیا جانا چاہیے۔کرکٹ کیساتھ ہاکی اور فٹبال کا کھیل پسند ہے ۔کھیلوں کی بہتری کیلئے اپنی سپورٹ جاری رکھو ں گا۔