فائل:فوٹو
اسلام آباد:وفاقی حکومت نے نئے آرمی چیف اور چیئرمین جائنٹ چیفس آف سٹاف کمیٹی کے گزٹ نوٹیفیکیشنز جاری کر دئیے۔پاک فوج میں 4 سٹار جنرلز کی تعداد چار ہوگئی۔جنرل سید عاصم منیر اور جنرل ساحر شمشاد مرزا کی جنرل کے عہدہ پر ترقی کااطلاق 24 نومبر سے ہوگیاہے۔
جنرل سید عاصم منیر اور جنرل ساحر شمشاد مرزا کی جنرل کے عہدہ پر ترقی 24 نومبر سے ہوگئی ہے ۔لیفٹیننٹ جنرل سید عاصم منیر کو گزشتہ روز جنرل کے عہدے پر ترقی دی گئی تھی۔ان کی بطور چیف آف آرمی اسٹاف تعیناتی کا اطلاق 29 نومبر سے ہوگا.
لیفٹیننٹ جنرل ساحر شمشاد مرزا کو گزشہ روز جنرل کے عہدے پر ترقی دی گئی تھی۔ان کی بطور چیئرمین جائنٹ چیفس آف اسٹاف کمیٹی تعیناتی کا اطلاق 27 نومبر سے ہوگا۔
نوٹیفکیشن کے مطابق جنرل ساحر شمشاد مرزا کی بطور چیئرمین جائنٹ چیفس آف اسٹاف کمیٹی اورجنرل سید عاصم منیر کی بطور چیف آف آرمی اسٹاف تعیناتی 3 سال کے لیے کی گئی ہے۔ترقیاں اور تعیناتیاں آئین کے آرٹیکل 243 چار اے، بی ، آرٹیکل 48 اور پاکستان آرمی ایکٹ 1952 کے سیکشن 8 اے، 8 ڈی کے تحت ہوئیں۔
دوسری جانب وفاقی حکومت نے ریٹائر ہونے والے آرمی چیف اور چیئرمین جائنٹ چیفس آف سٹاف کمیٹی کے گزٹ نوٹیفیکیشنز بھی جاری کر دئیے ہیں ۔
وزیراعظم نے آرمی چیف جنرل قمر جاوید باجوہ کی بطور آرمی چیف ریٹائرمنٹ کی منظوری بھی دے دی۔نوٹیفکیشن کے مطابق آرمی چیف جنرل قمر جاوید باجوہ کی بطور آرمی چیف ریٹائرمنٹ کا اطلاق 29 نومبر سے ہوگا.
وزیراعظم نے جنرل ندیم رضا کی بطور چیئرمین جائنٹ چیفس آف سٹاف کمیٹی ریٹائرمنٹ کی منظوری بھی دے دی۔چیئرمین جائنٹ چیفس آف سٹاف کمیٹی جنرل ندیم رضا کی ریٹائرمنٹ کا اطلاق 27 نومبر سے ہوگا۔
تبصرے بند ہیں.