فوٹو: فائل
اسلام آباد: ایران میں سکارف نہ پہننے پر 2 اداکارائیں گرفتار کرلی گئیں ،گرفتار خواتین کی عمریں 50 اور60 سال بتائی جاتی ہیں۔
عالمی میڈیا رپورٹس میں کہا گیاہے کہ ہینگامہ قاضیانی اور كتايون رياحی نامی اداکاراؤں کو مظاہروں میں شریک ہونے۔
سوشل میڈیا پر پراپیگنڈا اور اسکارف اتارنے کے الزامات میں تحقیقات کے لیے طلب کر کے حراست میں لیا گیا ہے۔
دوسری طرف 52 سالہ ہینگامہ قاضیانی نے پہلے ہی کہا تھا تھا کہ انہیں عدلیہ کی جانب سے طلب کیا جائے گا۔
گرفتاری سے پہلے ہی انہوں نے انسٹاگرام پر حجاب اتارنے کی ویڈیو بھی جاری کی اور لکھا کہ شاید یہ میری آخری پوسٹ ہو۔
انہوں نے ایک اور پوسٹ میں ایرانی حکومت پر 50 سے زائد بچے قتل کرنے کا الزام بھی لگایا تھا۔
جب کہ 60 سالہ اداکارہ ایوارڈ یافتہ كتايون رياحی جنہیں خیراتی کاموں کے لیے جانا جاتا ہے، انہوں نے ستمبر میں اسکارف کے بغیر لندن کے ایرانی انٹرنیشنل ٹی وی کو ایک انٹرویو دیا تھا۔
گزشتہ روز ایرانی ٹیم نے فیفا ورلڈ کپ میں اپنا قومی ترانہ نہ پڑھ کر احتجاج ریکارڈ کرایا تھا، ترانہ چلتا رہا اور کھلاڑی خاموش کھڑے رہے۔
واضح رہے 22 سالہ مہسا امینی کو تہران میں اخلاقی پولیس نے 13 ستمبر کو ٹھیک سے اسکارف نہ پہننے پر گرفتار کیا تھا جو دوران حراست دم توڑ گئی تھیں، جس کے بعد سے اب تک ایران میں مظاہرے جاری ہیں۔
تبصرے بند ہیں.