فوٹو: فائل
مدینہ منورہ: مسجد نبوی کے بیرونی صحن میں خاتون نے بچے کو جنم دے دیا،طبی ٹیم کے رضاکاروں نے بھر پور معاونت فراہم کی۔
سعودی میڈیا رپورٹس کےمطابق طبی یونٹ کی بروقت امداد سے ولادت کا عمل آسان ہوا،اس حوالے سے عاجل نیوز نے تفصیل دی ہے۔
اس سے قبل ہی مسجد نبوی میں موجود ہلال الاحمر کے یونٹ کو اطلاع ملی تھی کہ ایک خاتون کے یہاں ولادت ہونے والی ہے۔
اطلاع ملتے ہی ہلال الاحمر کے یونٹ اور رضاکار طبی عملہ وہاں پہنچ گیا۔ لیڈی ڈاکٹر نے زچہ کا معائنہ کیا اورفوری طور پر ولادت کے لیے تیاریاں شروع کر دیں۔
بچے کی پیدائش کے حوالے س ریجنل ہلال الاحمر کے ڈائریکٹر ڈاکٹر احمد علی الزھرانی نے بتایا کہ طبی ٹیم کی بروقت مدد سے ولادت کا عمل آسان ہوا۔
اس حوالے ڈاکٹر الزھرانی کا کہنا تھا کہ زچہ کی حالت کا معائنہ کرنے پرمعلوم ہوا کہ ولادت کے لیے زچہ کو ہسپتال منتقل کرنے کا وقت نہیں اسی لیے گائنی ڈاکٹر نے فوری ولادت کی کارروائی کا آغاز کردیا۔
بتایا گیاہے کہ ولادت کے بعد طبی یونٹ کے ذریعے زچہ و بچہ کو ایمبولینس کے ذریعے ہسپتال منتقل کردیا جہاں دونوں کی صحت بہتر بتائی جاتی ہے.
تبصرے بند ہیں.