فوٹو : فائل
اسلام آباد: انڈیا ایشیاء کھیلنے آیا تب ہی ورلڈ کپ کیلئے جائیں گے، رمیض راجہ نے دو ٹوک اعلان میں سب کو بتا دیا چیئرمین پاکستان کرکٹ بورڈ کا کہنا ہے بھارت نہ آیا تو ہم بھی نہیں جائیں گے.
رمیض راجہ نے گزشتہ روز اسلام آباد میں ایک تقریب میں کے دوران گفتگو میں یہ سوال کیا کہ اگر پاکستان آئندہ برس انڈیا میں شیڈول ورلڈکپ میں شرکت نہیں کرے گا تو دیکھے گا کون؟‘
چئیرمین پی سی بی رمیض راجہ نے دو ٹوک اعلان کرکے بھارت کو سرپرائز دے دیا کہا ہمارا واضح موقف ہے کہ شیڈول کے مطابق بھارتی ٹیم کو پہلے پاکستان آنا ہے نہ آئے یا کوئی رکاوٹ ڈالی گئی تو ہمارے لیے صورتحال کلیئر ہو جائے گی.
رمیض راجہ نے کہا ان کی ٹیم نہ آئی تو پھر ورلڈکپ ہمارے بغیرکروا دکھا دیں۔ ہم بھارتی فیصلے پر جارحانہ انداز اپنائیں گے۔ ہماری ٹیم پارفارمنس دِکھا رہی ہے.
انھوں نے کہا کہ سب کو پتہ ہے ہم نے دنیا کے بڑے بزنس بنانے والی کرکٹ ٹیم کو ہرایا ہے، ہم ٹی20 ورلڈ کپ کا فائنل کھیل کرآئے ہیں۔ بھارتی کرکٹ بورڈ یا ایشین کرکٹ کونسل سے بھارت کی جانب سے پاکستان میں ایشیا کپ نہ کھیلنے کے حوالے سے تاحال بات نہیں ہوئی۔
انہوں نے کہا کہ میں ہمیشہ سے کہتا تھا ہم نے پاکستان کرکٹ کی معیشت کو بہتر کرنا ہے اور وہ ایک ہی صورت میں ہوگی جب ہماری ٹیم بہتر پرفارم کرے گی، ہم نے 2021 کے ٹی 20 ورلڈ کپ میں بھارت کو ہرایا.
ایشیا کپ میں ہم نے بھارت کو ہرایا، ایک سال میں پاکستان کرکٹ ٹیم نے دو مرتبہ بلین ڈالر اکانومی کے حامل بورڈ کو ہرا کر ثابت کیا کہ پاکستان کرکٹ کی ایک بڑی طاقت ہے۔
شیڈول کے مطابق ایشیا کپ آئندہ برس پاکستان میں 2023 کے وسط میں کھیلا جائے گا جس کا فارمیٹ ون ڈے رکھا گیا ہے ایشیا کپ کے بعد 2023 میں بھارت میں ون ڈے کرکٹ کا عالمی کپ شیڈول ہے۔
واضح رہے کہ ایشین کرکٹ کونسل کے صدر جے شاہ نے رواں برس اکتوبر میں بیان دیا تھا کہ بھارتی کرکٹ ٹیم اگلے سال ہونے والے ایشیا کپ کے لیے پاکستان نہیں جائے گی اور ہوسکتا ہے یہ ٹورنامنٹ کسی نیوٹرل مقام پر منتقل کردیا جائے۔
تبصرے بند ہیں.