فوٹو : فائل
اسلام آباد: سینیٹر اعظم سواتی کو ایف آئی اے نے دوبارہ گرفتار کر لیا، ایف اے سائبر کرائم ونگ کی تین رکنی ٹیم نے اسلام آباد کے علاقے چک شہزاد میں اعظم سواتی کے فارم ہاؤس سے حراست میں لیا۔
ذرائع کے مطابق اعظم سواتی کے خلاف ایک اور ایف آئی آر درج کی گئی جس کے تحت انہیں اداروں کے خلاف متنازع ٹوئٹس اور بیانات پر وفاقی تحقیقاتی ادارے سائبر کرائم نے گرفتار کیا ہے۔
سینیٹر اعظم سواتی کے متنازع بیان پر ان کے خلاف مقدمہ درج کیا گیا مقدمہ سائبر کرائم ونگ میں درج کیا گیا، مقدمہ ایف آئی اے کے ٹیکنیکل اسسٹنٹ انیس الرحمان کی مدعیت میں درج کیا گیا۔
سینیٹر اعظم سواتی کے خلاف مقدمہ تضحیک اور پیکا ایکٹ کے تحت درج کیا گیا ہے، اعظم سواتی کو دفعہ 500-501-505 اور 109 کے تحت گرفتار کیا گیا۔
اس سے پہلے بھی اعظم سواتی کی انہی دفعات کے تحت گرفتار کیا گیا تھا، اعظم سواتی پہلے بھی انہی دفعات کے تحت مقدمے میں ضمانت پر ہیں۔
اس بار گرفتاری کے دوران اعظم سواتی نے ویڈیو بیان میں کہا کہ یہ مجسٹریٹ سے وارنٹ لے کر آئے ہیں جو درست طریقہ ہے تو میں ان کے ساتھ جا رہا ہوں لیکن یہ طریقہ غلط ہے کہ پہلے گرفتار کریں پھر تشدد کریں۔
سائبر کرائم ونگ میں ٹیکنیکل اسسٹنٹ انیس الرحمان کی مدعیت میں مقدمہ پیکا ایکٹ کے تحت درج کیا گیا ہے، اس سے قبل
اعظم سواتی کو گزشتہ ماہ 13 اکتوبر کو گرفتار کیا گیا تھا بعد میں ضمانت پر رہائی ملی تھی.
تبصرے بند ہیں.