بھری کلاس میں دہشتگرد کہہ کرطالب علم کی تذلیل کرنا ہندو پروفیسر کو مہنگا پڑگیا،ویڈیووائرل
فوٹو:سکرین گریب
کرناٹکا: بھارتی ریاست کرناٹکا کی ایک یونیورسٹی میں بھری کلاس میں دہشتگرد کہہ کر طالب علم کی تذلیل کرنا ہندو پروفیسر کو مہنگا پڑگیا۔
بھارت میں ہندو انتہا پسندی اور مسلمانوں سے تفرت کی تمام حدیں پار ہو گئیں پروفیسر نے بھری کلاس میں مسلمان طالب علم کو دہشتگرد کہہ دیا۔
مسلمان طالب علم نے بھرپور ردِعمل دیتے ہوئے پروفیسر کو کھری کھری سنادیں جس کی ویڈیو سوشل میڈیا پر وائرل ہو رہی ہے۔
مسلم طالب علم نے پروفیسر کو سخت جواب دیتے ہوئے کہا کہ یہ مذاق قابلِ برداشت نہیں، آپ میرے مذہب کا مذاق نہیں اْڑا سکتے، بطور مسلم بھارت میں رہتے ہوئے مذہب کے خلاف بات برداشت کرنا مذاق نہیں۔
A Professor in a class room in India calling a Muslim student ‘terrorist’ – This is what it has been to be a minority in India! pic.twitter.com/EjE7uFbsSi
— Ashok Swain (@ashoswai) November 27, 2022
طالب علم کا مزید کہنا تھا کہ آپ کلاس میں مجھے کیسے اتنے لوگوں کے سامنے دہشتگرد کہہ سکتے ہیں، آپ ٹیچر ہیں، آپ مجھے اس طرح نہیں کہہ سکتے۔
خیال رہے کہ یہ ہندو انتہا پسندوں کی مسلم اور دیگر اقلیتوں سے متعصبانہ برتاوٴ کا کوئی پہلا واقعہ نہیں اس سے قبل بھی مسلمان طالب علموں کو بھارتی تعلیمی اداروں میں کئی مرتبہ ہراساں کیا گیا ہے۔
تبصرے بند ہیں.