فائل:فوٹو
اسلام آباد:وزیراعظم شہباز شریف کاکہناہے کہ معاشرتی اقدار کا زوال کسی بھی معاشرے میں کرپشن کی شرح میں اضافے کا باعث بنتا ہے، کرپشن سے ملک و قوم کا پیسہ شرپسند عناصر کے ہاتھوں میں جانے کا خطرہ بڑھ جاتا ہے۔ کرپشن کی روک تھام کیلئے واضح روڈ میپ بنانے کی ضرورت ہے،وزیراعظم کا کہنا تھا کہ اس کی روک تھام کیلئے تمام سیاسی حلقے مل کر کام کریں.
انسدادِ کرپشن کے عالمی دن پر اپنے پیغام میں وزیر اعظم نے کہا کہ کسی بھی ملک کی ترقی و خوشحالی کی راہ میں کرپشن ایک بڑی رکاوٹ ہے، کرپشن ملک کی جڑوں کو کھوکھلا کر کے اس کی معاشی و انتظامی تباہی کا باعث بنتی ہے۔
شہباز شریف نے کہا کہ کرپشن سے امن تباہ، ادارے کمزور ہوتے ہیں اور لوگوں کا گورننس سے اعتبار اٹھ جاتا ہے، آج تجدید عہد کا دن ہے کہ ہم سب مل کر کرپشن سے جنگ میں سرخرو ہوں، مسلم لیگ ن نے ہمیشہ ملک سے کرپشن کے خاتمے کیلئے عملی اقدامات اٹھائے۔
وزیراعظم نے مزید کہا کہ 2013 سے 2018 تک مسلم لیگ ن کے دور حکومت میں ملک میں کرپشن کی شرح نیچے آئی، اربوں ڈالر کے سی پیک اور دوسرے ترقیاتی منصوبوں میں کوئی ایک دھیلے کی کرپشن ثابت نہ کر سکا، پاکستان کی سیاست میں کرپشن کو انتقام کا ذریعہ بنانے کے رواج کو ختم کرنا ہوگا۔
انہوں نے کہا کہ گزشتہ دور میں کرپشن کے جھوٹے الزامات لگا کر سیاسی حریفوں کو جیلوں میں بند کیا گیا، کرپشن کو ذاتی انتقام کی بھینٹ چڑھانے کیلئے آلے کے طور پر استعمال کیا گیا،
یوم انسدادِ کرپشن پر اپنے پیغام میں وزیراعظم نے کہا کہ کرپشن کی روک تھام کیلئے تمام سیاسی حلقوں کو مل کر ایک واضح روڈ میپ بنانے کی ضرورت ہے۔
تبصرے بند ہیں.