فوٹو: فائل
لاہور: مسلم لیگ نون کے قائد نے کہا عمران خان کی گرفتاری کا دن بھی جلد آئے گا، نوازشریف کاکہنا ہےہمیں مفت میں جیلیں و جلاوطنی بھگتنی پڑی ہیں۔
نواز شریف نے لیند میں مخلف شخصیات سے ملاقاتیں کی ہیں اس دوران ان کا کہنا تھا سیاستدانوں کو بدنام کرنے کی کوشش کی گئی۔
انھوں نے حیرت کااظہار کرتے ہوئے کہا کہ میرے خلاف تو ہائی جیکنگ کا کیس بھی بنا گیا تھا، بتائیں کون سی ہائی جیکنگ کی ہے میں نے؟
سابق وزیراعظم نے کہا ہم نے تو پاکستان کو ایٹمی قوت بنایا اور موٹرویز بنائیں، بجلی کے منصوبے لگائے، پاکستان کی خدمت کی، عمران خان کسی ایک منصوبے کا نام لیں جس کی بنیاد رکھی ہو اور پایہ تکمیل تک پہنچایا ہو۔
نوازشریف کا کہنا تھا ایک شخص خود کرپشن میں ڈوبا ہے اور دوسروں پر الزام لگا رہا ہے، عمران خان اور شہزاد اکبر کو شرم آنی چاہیے، عمران خان پر الزامات نہیں بلکہ ثابت شدہ کرپشن ہے۔
سابق وزیراعظم نے الزام لگایا کہ عمران خان نے 50 ،50 ارب کی کرپشن کی ہے بلین ٹری اور القادر ٹرسٹ کی تفصیلات سامنے آئیں تو رونگٹے کھڑے ہوجائیں گے۔
نواز شریف نے کہا اللہ نے ہمیں ہرجگہ سرخرو کیا، یہ جن کو کرپٹ کہتے ہیں ان کو لندن میں عدالتیں سرٹیفکیٹ دے رہی ہیں۔
عمران خان نے خیبر پختونخوا میں ایک میٹرو بنائی اور اربوں کا خرچہ کیا گیا،اس پر نیب کیس بھی بن گیا، پاکستان میں عمران خان کے خلاف انکوائریاں چل رہی ہیں۔
ان کا کہنا تھا کہ پاکستان میں انکوائریوں کا کام ڈھیلا ڈھالا ہوتا ہے ہفتے کا کام دو سال پر چلا جاتاہے، عمران خان کی گرفتاری کا دن بھی جلد آئے گا۔
تبصرے بند ہیں.