فوٹو : فائل
لاہور : ٹوئٹر پر بلیوٹک کے حصول کیلئے سبسکرپشن دوبارہ شروع کر دی گئی ہے ،پالیسی لائن بھی واضح کردی گئی ہے۔
یہ تجربہ پہلے بھی کیا گیا لیکن جعلی اکاونٹس کی تصدیق ہونے کی اطلاعات پر سبسکرپشن روک دی گئی تھی جس کا اب دوبارہ آغاز کردیا گیاہے۔
ٹوئٹر کی انتظامیہ کی طرف سے ویریفائیڈ اکاونٹس پر بلیو ٹک جاری رکھنے کے لیے سبسکرپشن سروس کا دوبارہ آغا کر دیا۔
تازہ میڈیا رپورٹس کے مطابق اب آئی فون سے ٹوئٹر استعمال کرنے والوں کو بلیو ٹک کے لیے ماہانہ 11 ڈالر جب کہ دیگر کو 8 ڈالر دینا ہوں گے۔
ٹوئٹر نے پالیسی بدلنے کے بعد رقم کے عوض بلیو ٹک بیجنے کا پہلا مرحلہ نومبر میں اس وقت شروع کیا گیا جب ایلون مسک کو ٹوئٹر کا کنٹرول سنبھالے ابھی 10 دن ہوئے تھے۔
کمپنی کے مطابق نئی آفر کے تحت ایسے تمام اکاؤنٹس جو ادائیگی کر کے بلیو ٹک حاصل کرنے کے خواہشمند ہوں گے اُن کا تجزیہ کیا جائے گا۔
کمپنی کے مالک ایلون مسک نے گزشتہ ماہ
اعلان کیا تھا کہ ٹوئٹر اکاؤنٹس کے درمیان فرق واضح کرنے کے لیے مختلف رنگوں کے بیجز لانچ کرے گا۔
ایلون مسک نے کہا تھا کہ کمپنیوں کے لیے سنہرا، سرکاری اداروں اور افراد کے لیے گرے، کسی بھی سلیبریٹی یا عام شخص کے لیے نیلا رنگ مختص ہوگا۔
انہوں نے کہا کہ تمام تصدیق شدہ انفرادی اکاؤنٹس کے لیے ایک ہی بلیو ٹک ہوگا تاہم کچھ اکاؤنٹس کے آخر میں ایک چھوٹا لوگو دِکھائی دے گا جس میں سے یہ ظاہر ہوتا ہے کہ وہ کسی تنظیم سے تعلق رکھتے ہیں۔
تبصرے بند ہیں.