فوٹو : فائل
اسلام آباد: روس سے سستا تیل نہیں لے رہے نہ ہی کوشش کی، وزیر خارجہ کا امریکہ میں بیان سامنے آیا جس میں وزیر خارجہ بلاول بھٹو زرداری نے روس سے سستا تیل لینے کی تردید کر دی ہے۔
اس حوالے سے نجی ٹی وی جیو نیوز کی رپورٹ کے مطابق ‘امریکی ٹی وی کو انٹرویو میں وزیرخارجہ نے کہا کہ روس سے رعایتی تیل لے رہے ہیں نہ کوشش کر رہےہیں۔
رپورٹ کے مطابق تیل سے متعلق بلاول بھٹو کے انکشاف سے حکومتی وزرا کے بیانات میں کھلا تضاد سامنے آگیا، چند روز قبل ہی دورہ روس سے واپسی پر وزیر مملکت برائے پیٹرولیم مصدق ملک نے کہا تھا کہ روس پاکستان کو رعایتی قیمت پر خام تیل دے گا۔
بلاول بھٹو زرداری نے آئی ایم ایف سے اپنی شرائط پر نظرثانی اور معیشت کی بحالی میں مدد کا مطالبہ بھی کیا.
واضح وزیر مملکت پٹرولیم کے علاوہ سابق وزیر خزانہ مفتاح اسماعیل اور وزیر خزانہ اسحاق ڈار بھی روس سے سستا تیل لینے کا کہہ چکے ہیں اور اسحاق ڈار کا موقف تھا کہ ہم روس سے سستا تیل لیں گے.
تبصرے بند ہیں.