فائل:فوٹو
لاہور: اسپیکر پنجاب اسمبلی نے گورنر پنجاب کی اجلاس بلانے کی ایڈوائس غیر آئینی ہے، سپیکر کی رولنگ، جبکہ اسمبلی اجلاس نہ ہونے کے باوجود مسلم لیگ ن نے آج پنجاب اسمبلی جانے کا فیصلہ۔
گورنر پنجاب کی جانب سے اعتماد کے ووٹ کے لیے 2 صفحات پر مشتمل چارج شیٹ کے جواب میں اسپیکر نے بھی 2 صفحات کی رولنگ جاری کردی، جس میں انہوں نے گورنر کی جانب سے اجلاس بلائے جانے کا عمل غیر آئینی قرار دیا۔
ادھر اسمبلی اجلاس نہ ہونے کے باوجود مسلم لیگ ن نے آج پنجاب اسمبلی آنے اور احتجاج کا اعلان کررکھا ہے۔
دوسری جانب اسمبلی سیکرٹریٹ نے گورنر کے حکم پر اجلاس بلانے کا گزٹ نوٹیفکیشن بھی جاری نہیں کیا جب کہ اسپیکر نے اپنے طلب کردہ جاری اجلاس کو گزشتہ شب جمعہ تک ملتوی کردیا تھا۔
چیف وہپ پنجاب اسمبلی کے مطابق مسلم لیگ ن، پیپلز پارٹی اور اتحادی جماعتوں کے ارکان آج پنجاب اسمبلی جائیں گے۔انہوں نے کہا کہ اپوزیشن جماعتیں آج سہ پہر 4 بجے گورنر کے نوٹیفکیشن کے مطابق پنجاب اسمبلی پہنچیں گی۔
خلیل طاہر سندھو کے مطابق حکومت نے اگر پنجاب اسمبلی کے دروازے بند کیے تو پھر وہیں اجلاس منعقد کریں گے۔ اگر حکومت نے اجلاس بلایا اور نہ ہی وزیر اعلیٰ نے اعتماد کا ووٹ لیا تو گورنر کے پاس اختیار ہے کہ وہ وزیراعلیٰ پنجاب کو ڈی نوٹیفائی کر سکتا ہے۔
انہوں نے کہا کہ پرویز الٰہی کے پاس اب ایک ہی آپشن ہے کہ وہ اعتماد کا ووٹ لیں وگرنہ آئینی طور پر اپنے عہدے پر برقرار نہیں رہ سکتے۔
خیال رہے کہ گورنر پنجاب نے آج بدھ کو پنجاب اسمبلی کا اجلاس طلب کر رکھا ہے جب کہ اسپیکر پنجاب اسمبلی نے آج اجلاس نہ ہونے کا اعلان کرتے ہوئے اجلاس جمعہ کے روز تک ملتوی کر دیا تھا۔
تبصرے بند ہیں.