لاہور: پاکستان تحریک انصاف کے چئیرمین اور سابق وزیراعظم عمران خان کو پارٹی سربراہی سے ہٹانے کی الیکشن کمیشن کی کارروائی ہائیکورٹ میں چلینج ،الیکشن کمیشن کا نوٹس اور کارروائی غیر قانونی ہے۔
عمران خان کی جانب سے لاہور ہائی کورٹ میں الیکشن کمیشن کے خلاف دائردرخواست میں موقف اختیار کیا گیا ہے کہ الیکشن کمیشن اپنے اختیارات سے تجاوز کررہا ہے۔
درخواست میں موقف اختیار کیا گیاہے کہ کے پارٹی عہدے سے ہٹانے کی غیر قانونی کارروائی کررہا ہے،یہ نوٹس بھی ختم کیا جائے۔
درخواست میں مزید کہا گیا ہے کہ الیکشن کمیشن نے پی ٹی آئی چیرمین کو عہدے سے ہٹانے کے لئے غیر قانونی طور پر نوٹس جاری کیا۔
سابق وزیراعظم نے موقف میں کہا ہے کہ الیکشن کمیشن نے 7 دسمبر 2022 کو خلاف قانون کاروائی کا آغاز کیا، میں نے الیکشن کمیشن کے روبرو اپنے مکمل اثاثے ظاہر کر رکھے ہیں۔
عدالت سے الیکشن کمیشن کی جانب سے عمران خان کو بھیجے گئے نوٹس کو معطل کرنے اورحتمی کارروائی تک الیکشن کمیشن کو کارروائی سے روکنے کا حکم دینے کی استدعا کی گئی ہے۔
تبصرے بند ہیں.