لاہور: لیگی رہنما مریم نوازکے حوالے سے بڑی خبر سامنے آگئی، مسلم لیگ (ن) کی سینئر نائب صدر مریم نواز کا سوئٹزرلینڈ کے شہر جنیوا میں آپریشن ہوا۔
میڈیا میں سامنے آنے والی رپورٹ میں فیملی ذرائع کے حوالے سے بتایا گیا ہے کہ مریم نواز کے گلے کے دو گلینڈز کا آپریشن کیا گیا جو کامیاب رہا، ان کے گلے کےگلینڈز کا آپریشن تین گھنٹے جاری رہا۔
رپورٹ میں کہا گیا ہے کہ مسلم لیگ ن کی سینئر نائب صدر مریم نواز کو آپریشن کے بعد ان کے کمرے میں شفٹ کردیا گیا ہے۔
واضح رہے کہ پاکستان مسلم لیگ (ن) کے قائد نواز شریف اور سینئر نائب صدر مریم نواز بدھ کو لندن سے سوئٹزرلینڈ کے شہر جنیوا کے ایک ہفتے کے دورے پرپہنچےتھے۔
ذرائع کے مطابق سابق وزیراعظم نوازشریف اور ان کی صاحبزادی مریم نواز ایک ہفتے تک سوئس دارالحکومت میں قیام کریں گے۔
دوسری طرف وزیر اعظم شہباز شریف بھی 9 جنوری کو اقوام متحدہ کے سیکرٹری جنرل انتونیو گوٹیرس کے ساتھ موسمیاتی لچکدار پاکستان پر بین الاقوامی کانفرنس کی شریک میزبانی کے لیے جنیوا کا دورہ کریں گے۔
تبصرے بند ہیں.