گال: پاکستان اور سری لنکا کے درمیان پہلا ٹیسٹ میچ آج کھیلا جارہاہے ، پاکستان کی پلیئنگ الیون کا اعلان میچ شروع ہونے سے پہلے ہو گا ابھی تک حتمی اعلان نہیں ہوا۔
پاکستان اور سری لنکا کے درمیان پہلا ٹیسٹ میچ آج سے گال میں کھیلا جائے گا۔ کھیل پاکستانی وقت کے مطابق صبح ساڑھے 9 بجے شروع ہوگا اور 90اوورز کا ہر دن کھیل ہوگا۔
پاکستان کرکٹ ٹیم کے کپتان بابر اعظم نے کہا ہے کہ ہمارا بہت اچھا خیال رکھا گیا، ابھی تک کوئی مشکل پیش نہیں آئی، نہیں لگا کہ حالات کی وجہ سے سیریز کو نقصان ہوگا۔
بابر اعظم کا کہنا تھا کہ پریکٹس میچ میں بھی کسی مشکل کا سامنا نہیں کرنا پڑا، سیریز میں اچھا پرفارم کرنے کی ہر ممکن کوشش کریں گے۔
دونوں ٹیموں کے درمیان سیریز کا دوسرا میچ 24 جولائی سے کھیلا جائے گا، واضح رہے سری لنکا کے خراب حالات کے باوجودپاکستان کرکٹ ٹیم نے دورہ جاری رکھنے اور سیریز کھیلنے کا فیصلہ کیاہے۔
تبصرے بند ہیں.