سلام آباد: سندھ میں بلدیاتی انتخابات آج ہورہے ہیں، پولنگ کا عمل جاری، رات گئے تک انتخابی سامان کی ترسیل مکمل کی گئی ، الیکشن کمیشن کے فیصلہ کے بعد سامان کی ترسیل شروع ہوئی تھی۔
سندھ میں بلدیاتی انتخابات کے دوسرے مرحلے میں آج انتخابات ہوں گے سندھ حکومت کی طرف سے انتخابات ملتوی کرنے کی درخواست الیکشن کمیشن نے مسترد کردی۔
کراچی بلدیاتی انتخابات کےلئے الیکشن کمیشن سیکرٹریٹ اسلام آباد میں 3 روز کے لئے مرکزی کنٹرول روم قائم کردیا گیا۔
ترجمان الیکشن کمیشن کے مطابق مرکزی کنٹرول روم اسلام آباد سے سینئر افسران انتخابی عمل کی مانیٹرنگ کریں گے جب کہ سیکرٹری اور اسپیشل سیکرٹری الیکشن کمیشن کراچی میں انتخابی عمل کی نگرانی کریں گے۔
ترجمان کے مطابق مرکزی کنٹرول روم کیلئے کام کا آغاز آج سے شروع ہوگیا ہے، انتخابات کے نتائج آنے تک بلا تعطل کام جاری رکھا جائے گا۔
دوسری جانب کراچی میں بلدیاتی انتخابات کے لیے پولنگ کے سامان کی ترسیل شروع کردی گئی ہے، الیکشن عملےکو ڈپٹی کمشنر آفس غربی سائٹ سے سامان فراہم کیاجائےگا۔
خاتون پاکستان کالج اور وفاقی اردو یونیورسٹی میں ڈسٹری بیوشن پوائنس قائم کردیے گئے ہیں اور الیکشن کا سامان بھی پہنچا دیا گیا ہے۔
تبصرے بند ہیں.