اسلام آباد: شیخ رشید سمیت تحریک انصاف کو لگ گئے 35 پنکچرز، استعفےمنظور،ڈی نوٹیفائی کر دیا گیا الیکشن کمیشن نے اسپیکرکے منظور کردہ 35 ارکان قومی اسمبلی کے استعفے منظور کرکے ان کو ڈی نوٹیفائی کردیا۔
عمران خان کی ایوان میں واپسی کی خواہش ادھوری رہ گئی،شاہ محمود قریشی، مراد سعید، پرویز خٹک، اسد قیصر، زرتاج گل، شہریار آفریدی ، عمرایوب اوردیگر کی پارلیمنٹ سےچھٹی ہوگئی۔
روز کہتے تھے استعفے منظور کرو،الیکشن کمیشن نے دیرینہ مطالبہ منظور کرتے تحریک انصاف کے فرنٹ لائنر کو ڈی نوٹیفائی کردیا،تحریک انصاف کی اپوزیشن لیڈر اور پی اے سی پر نظر تھی، باقی ارکان کا کیا بنے گا؟
رولنگ کے معروف کردارقاسم سوری،علی امین گنڈا پور، شیخ راشد شفیق، نور الحق قادری،علی زیدی، فواد چوہدری، غلام سرور خان، عالیہ حمزہ، راجہ خرم شہزاد نواز، علی نواز اعوان اور کنول شوذب کے استعفے منظورہوئے۔
تحریک انصاف کے منصور حیات خان، فواد احمد، ثناء اللہ خان مستی خیل، حماد اظہر، شفقت محمود، عامر ڈوگر، فہیم خان، سیف الرحمان، عالمگیر خان،نجیب ہارون اور عطاء اللہ بھی اب رکن قومی اسمبلی نہیں رہے۔
تحریک انصاف کے ایوان سے آوٹ ہونے والے ان سابق ارکان قومی اسمبلی نے پہلے ہی ایوان کی رکنیت سے استعفے دے دیئے تھے، اسپیکر قومی اسمبلی راجہ پرویز اشرف نے استعفی منظور کرلیے تھے اب الیکشن کمیشن نے ان کو ڈی نوٹیفائی کردیاہے ۔
اس سے قبل اسپیکر قومی اسمببلی کہتے رہے آئین کے مطابق ایک ایک بندے کی تصدیق ضروری ہے لیکن پی ٹی آئی نے ایوان میں واپسی کااعلان کیا تو اسپیکر نے تحریک انصاف کے35 ارکان اسمبلی کےاستعفے منظور کرلئے۔
تحریک انصاف نے پہلے تو انفرادی طور پر ارکان کی پیشی سے انکار کیا بعدازاں حکومت گرانے اور عام انتخابات کے لیے ارکان کی انفرادی یا اجتماعی پیشی کے لیے ہامی بھری تاہم استعفے منظوری کے مراحل سے نہ گزر سکے۔
چیئرمین تحریک انصاف عمران خان نے قومی اسمبلی میں واپسی کا بیان دیا تھا اور کہا کہ نگراں سیٹ اپ قائم کرنے کے لیے ہم اسمبلی میں واپس جاسکتے ہیں جب کہ چند روز قبل انہوں نے وزیراعظم کے خلاف تحریک عدم اعتماد پیش کرنے کا بھی عندیہ دیا تھا۔
تبصرے بند ہیں.