فائل:فوٹو
لاہور: سابق وزیر مملکت برائے اطلاعات فرخ حبیب کے خلاف ڈکیتی کا مقدمہ درج کرلیا گیا۔جبکہ فرخ حبیب نے کہا ہے کہ درجنوں بندوقوں والے تربیت یافتہ پولیس والوں سے نہتے اکیلے فرخ حبیب نے ڈکیتی کرلی اور ان کی وردیاں بھی پھاڑ دیں۔
تحریک انصاف کے رہنما کے خلاف یہ مقدمہ پولیس افسر عدیل شوکت کی مدعیت میں تھانہ فیروز والا میں درج کیا گیا ہے جس میں فرخ حبیب سمیت آٹھ سے دس نامعلوم مسلح افراد کو نامزد کیا گیا ہے۔
مقدمہ میں ڈکیتی، کار سرکار میں مداخلت سمیت دیگر دفعات شامل ہیں۔ ایف آئی آر میں درج ہے کہ ملزمان نے سرکاری اسلحہ، سرکاری گاڑی اور وائرلیس چھینا، ملزمان کالا شاہ کاکو ٹول پلازا پر گاڑیاں روک کر ہمارے ساتھ ڈکیتی کرنے لگے تھے، ملزمان نے گرفتار ملزم فواد چوہدری کو چھڑانے کی کوشش کی۔
دوسری جانب فرخ حبیب نے اپنی ٹویٹ میں کہا ہے کہ درجنوں بندوقوں والے تربیت یافتہ پولیس والوں سے نہتے اکیلے فرخ حبیب نے ڈکیتی کرلی اور ان کی وردیاں بھی پھاڑ دیں، ایف آئی آر کا متن ویسے بہت ہی ماٹھی کہانی بنائی گئی ہے میں نے تو ویسے بغیر نمبر پلیٹ کالی ویگو کو روکا تھا عدالتی احکامات بتانے کے لیے یہ پولیس کے ساتھ ڈکیتی کہاں سے آگئی؟
درجنوں بندوقوں والے تربیت یافتہ پولیس والوں سے نہتے اکیلے فرخ حبیب نے ڈکیتی کرلی اور ان کی وردیاں بھی پھآڑ دی FIR کا متن
ویسے بہت ہی ماٹھی کہانی بنائی ہے
میں نے تو ویسے بغیر نمبر پلیٹ کالے ویگو کو روکا تھا عدالتی احکامات بتانے کے لئے یہ پولیس کے ساتھ ڈکیتی کہا سے آگئی؟ pic.twitter.com/swKOEe38Xp— Farrukh Habib (@FarrukhHabibISF) January 26, 2023
بعد ازاں فرخ حبیب نے فیروز والا کی عدالت سے ضمانت قبل از وقت گرفتاری منظور کرالی جس کی تصدیق انہوں نے اپنے ٹوئٹ میں بھی کی۔
انہوں نے کہا کہ امپورٹڈ حکومت کی بوگس ایف آئی آر میں عبوری ضمانت منظورہوگئی ہے، جعلی مقدمات ہماری جدوجہد کا راستہ نہیں روک سکتے۔
الحمدللّٰہ
فیروز والہ کچہری ضلع شیخو پورہ سے امپورٹڈ حکومت کیجانب سے درج کی گئی بوگس FIR میں عبوری ضمانت منظور ہوگئی ہے۔ جعلی مقدمات ہماری حقیقی آزادی کی جدوجہد کا راستہ نہیں روک سکتے۔ انشاللہ
شکریہ وکلا فیروز والہ بار @HniaziISF pic.twitter.com/6CfLXOtp1C— Farrukh Habib (@FarrukhHabibISF) January 27, 2023
تبصرے بند ہیں.