قتل سازش الزام ،پیپلز پارٹی نے عمران خان کو قانونی نوٹس بھجوادیا

فائل:فوٹو

اسلام آباد: پیپلز پارٹی نے چیئرمین پاکستان تحریک انصاف عمران خان کو قانونی نوٹس بھجوادیا۔قانون نوٹس میں کہا گیا ہے کہ یہ سراسر الزام اور بہتان ہے، عمران خان عدالت کو اس پر واضح موٴقف دیں اور ثبوت سامنے لائے جائیں۔

سابق وزیراعظم عمران خان کو 10 ارب روپے ہرجانے کا قانونی نوٹس سابق صدر آصف زرداری کی جانب سیبھجوایا گیا ہے جس میں ان سے 14 دن میں غیرمشروط معافی مانگنے کا کہا گیا ہے۔

سابق صدر آصف زرداری کی جانب سے قانون نوٹس فاروق ایچ نائیک نے بھیجا جس میں کہا گیا ہے کہ 27 جنوری کو عمران خان نے قومی میڈیا پر خطاب میں سابق صدر آصف زرداری پر الزام لگایا کہ انہیں آصف زرداری کی جانب سے جان کا خطرہ ہے، انہوں نے عمران خان کے قتل کا منصوبہ بنایا ہے۔

قانون نوٹس میں کہا گیا ہے کہ اس حوالے سے کیا عمران خان کے پاس ٹھوس ثبوت ہیں؟ یہ سراسر الزام اور بہتان ہے، اس سے کئی شکوک و شبہات پیدا ہوئے ہیں لہٰذا عمران خان عدالت کو اس پر واضح موٴقف دیں اور ثبوت سامنے لائے جائیں۔

نوٹس میں مزید کہا گیا ہے کہ عمران خان کی جانب سے معافی نہ مانگنے کی صورت میں شہرت کوپہنچنے والے نقصان کا ازالہ کیا جائے۔