فائل:فوٹو
اسلام آباد:بجلی ایک ماہ کیلئے 2 روپے 32 پیسے سستی ہوگئی،،لائف لائن صارفین، 300 یونٹس تک گھریلوصارفین،زرعی صارفین اورالیکٹرک وہیکل چار جنگ اسٹیشنز اور الیکٹرک صارفین پراطلاق نہیں ہو گا۔۔نیپرا نے کے الیکٹرک کیلئے بجلی 10روپے 80 پیسے فی یونٹ سستی کردی۔
ڈسکوز کے دسمبر کے ماہانہ فیول چارجز ایڈجسٹمنٹ کے حوالے سے نیپرا ہیڈ کوارٹرمیں عوامی سماعت مکمل چیئرمین نیپرا انجینئر توصیف ایچ فاروقی کی زیر صدارت ہوئی۔نیپراکے مطابق سی پی پی اے جی نے ایف سی اے کی مد میں 2 روپے 20 پیسے فی یونٹ کمی کی درخواست جمع کرائی تھی۔
ڈیٹاکی ابتدائی جانچ پڑتال کے مطابق 2 روپے 32 پیسے روپے فی یونٹ کمی بنتی ہے۔اس سے قبل نومبرکا ایف سی اے صارفین سے 18 پیسے فی یونٹ اضافے سے چارج کیا گیا تھا جو صرف 1 ماہ کے لئے تھا۔۔دسمبر کا ایف سی اے نومبر کی نسبت 2 روپے 50 پیسے فی یونٹ صارفین سے کم چارج کیا جائے گا۔
نیپرا کا کہنا ہے کہ اتھارٹی ڈیٹا کی مزید جانچ پڑتال کے بعد اپنا تفصیلی فیصلہ جاری کرے گی۔
دوسری جانب کراچی کے شہریوں کیلئے بڑی خوشخبری،، نیپرا نے کے الیکٹرک کیلئے بجلی 10روپے 80 پیسے فی یونٹ سستی کردی۔۔بجلی سستی ہونے سے کے الیکٹرک صارفین کو 12 ارب 71 کروڑ سے زائد کا ریلف ملے گا۔
کراچی الیکٹرک سپلائی کمپنی نے10روپے 26 پیسے کمی کی درخواست کی تھی،،نیپرا اتھارٹی تفصیلی فیصلہ بعد میں جاری کرے گی۔
تبصرے بند ہیں.