فائل:فوٹو
راولپنڈی :گزشتہ شب 7 تا 8 فروری کو لکی مروت کے علاقے میں سیکیورٹی فورسز کی جانب سے ایک انتہائی کامیاب انٹیلی جنس بیسڈ آپریشن کیا گیا فائرنگ کے تبادلے میں ٹی ٹی پی کے 12 دہشت گرد مارے گئے۔
آئی ایس پی آرکے مطابق دہشت گردوں کی نقل و حرکت اور سرگرمیاں گزشتہ ایک ہفتے سے انٹیلی جنس کے ذریعے مانیٹر کی جا رہی تھیں۔ دہشت گردوں کو فرار ہونے کے لیے ایک گاڑی فراہم کر کے لالچ میں لایا گیا جسے روک کر تباہ کر دیا گیا۔
آئی ایس پی آر کے مطابق کارروائی کے دوران دہشت گردوں سے اسلحہ، گولہ بارود اور افغان کرنسی بھی برآمد ہوا سکیورٹی فورسز علاقے میں کلیئرنس آپریشن کر رہی ہیں مقامی لوگوں نے آپریشن کو سراہا اور دہشت گردی کے خاتمے میں پاک فوج کی کوششوں کو سراہا۔
تبصرے بند ہیں.