فائل:فوٹو
اسلام آباد: پاکستان تحریک انصاف نے قومی اسمبلی میں اپوزیشن لیڈر کو تبدیل کرنے کا مطالبہ کردیا۔
پاکستان تحریک انصاف کے رہنما فواد چودھری نے لاہور ہائیکورٹ کی جانب سے پی ٹی آئی کے 43 ارکان اسمبلی کو ڈی نوٹیفائی کرنے کے فیصلے پر حکم کے بعد رد عمل دیتے ہوئے کہا کہ کہ سپیکر تھوڑا سا جمہوریت کا پاس رکھیں اور اپوزیشن لیڈر تبدیل کرنیکا نوٹیفکیشن جاری کریں ، ہربات کیلیے عدالت جانا کوئی اچھی پارلیمانی روایت نہیں۔
پاکستان تحریک انصاف کے رہنما اسد عمر نے بھی لاہور ہائی کورٹ کی جانب سے الیکشن کمیشن کے حکم کو معطل کرنے پر ردعمل دیتے ہوئے کہا کہ عدالت نے سپیکر کا سیاسی بنیاد پر کیا گیا فیصلہ معطل کر دیا۔
سماجی رابطے کی ویب سائٹ ٹوئٹر پر جاری بیان میں اسد عمر نے کہا کہ تحریک انصاف کے 43 ایم این اے کی رکنیت بحال ہو گئی ہے ، راجہ ریاض صاحب لیڈر آف اپوزیشن کا کمرہ خالی کرنے کی تیاری کریں۔
عدالت نے سپیکر کے سیاسی بنیاد پر کیا گیا فیصلہ معطل کردیا. 43 تحریک انصاف کے ایم این اے کی رکنیت بحال. راجہ ریاض صاحب لیڈر آف اپوزیشن کا کمرہ خالی کرنے کی تیاری کریں
— Asad Umar (@Asad_Umar) February 8, 2023
عدالت نے سپیکر کے سیاسی بنیاد پر کیا گیا فیصلہ معطل کردیا. 43 تحریک انصاف کے ایم این اے کی رکنیت بحال. راجہ ریاض صاحب لیڈر آف اپوزیشن کا کمرہ خالی کرنے کی تیاری کریں۔
خیال رہے کہ لاہور ہائیکورٹ نے پی ٹی آئی کے ممبران قومی اسمبلی کے استعفے منظور کرنے کا حکم معطل کردیا اور 43 حلقوں میں ضمنی الیکشن تاحکم ثانی روک دیا۔
تبصرے بند ہیں.