آئی ایم ایف پروگرام پر عملدرآمد کی یقین دہانی کرائی ہے170 ارب روپے کے ٹیکسز لگانے ہوں گے،اسحاق ڈار

فائل:فوٹو

اسلام آباد: وزیرخزانہ اسحاق ڈار کا کہنا ہے کہ پچھلی حکومت نے آئی ایم ایف کے معاہدوں سے انحراف کیا۔ 170 ارب روپے کے ٹیکسز لگانے ہوں گے۔ آئی ایم ایف نے پیٹرول پر سیلز ٹیکس لگانے کا کہا جو ہم نے نہیں مانا

اسلام آباد میں پریس کانفرنس سے خطاب میں وزیرخزانہ اسحاق ڈار نے کہا کہ آئی ایم ایف جائزہ سے 1.2 ارب ڈالر ملنے کی توقع ہے۔ آئی ایم ایف نے کل دوپہر کو فائنل پوائنٹس دئیے جن کا ورچوئل میٹنگ میں جائزہ لیا گیا۔

اسحاق ڈار کا مزید کہنا تھا کہ پیر کو آئی ایم ایف سے دوبارہ آن لائن میٹنگ ہو گی۔ وزیراعظم شہباز شریف نے آئی ایم ایف پروگرام پر عملدرآمد کی یقین دہانی کرائی ہے۔ کل فائنل راوٴنڈ کے اختتام ہوا۔ تمام معاملات طے پا گئے ہیں۔

اسحاق ڈار نے کہا کہ آئی ایم ایف نے پیٹرول پر سیلز ٹیکس لگانے کا کہا جو ہم نے نہیں مانا۔ گیس کے سرکلر ڈیٹ میں مزید اضافہ نہ ہونے کی یقین دہانی کروائی ہے۔ دوست ممالک سے امداد ملنے کی امید ہے۔

انہوں نے کہا کہ ہم نے بڑی ادائیگیاں کی ہیں۔ دو ارب ایک ملک جبکہ ایک ارب ڈالر ایک ملک کوادائیگی کی ہے۔پچھلی حکومت نے آئی ایم ایف کے معاہدوں سے انحراف کیا۔

وزیرخزانہ نے کہا کہ بجلی سیکٹر میں 3000 ارب کا خرچ ہے جبکہ ریکوری 1800 ارب ہے۔ اصلاحات اور بجلی اور گیس کے نقصانات کو کم کرنا ہماری ضرورت ہے۔پی ڈی ایم عمران خان کی حکومت کے ا?ئی ایم ایف سے کیے گئے معاہدے پر عمل کررہی ہے۔