اسلام آباد: مسلم لیگ (ن) کی چیف آرگنائزر مریم نواز نے کہا ہے نوازشریف کے نہ ہونے سے پارٹی امور پر اثر تو پڑتا ہے، مریم نواز کا کہنا ہے سب کی مشاورت کے ساتھ نواز شریف نے میرے کنونشن کا پورا پلان خود ترتیب دیا.
مسلم لیگ ن کی سینئر نائب صدر مریم نواز نے میڈیا سے گفتگو کرتے ہوئے کہا کہ میری واپسی کی تاریخ کا فیصلہ بھی نواز شریف نے کیا۔
انھوں نے کہا کہ نواز شریف اور شہباز شریف نے ذمہ داری دی، میری سرجری تھی اور یہ ذمہ داری سونپ دی گئی، سب کے مشورے کے ساتھ میرے کنونشن کا پروگرام بنا.
لیگی رہنما نے کہا کہ ہم یہ نہیں کہتے مہنگائی نہیں ہے، قریب قریب کوئی ریلیف کا امکان بھی نہیں ہے، مہنگائی ہے مگر شہباز شریف دن رات محنت کر رہے ہیں۔
(ن) لیگ کی سینئر نائب صدر نے کہا کہ نواز شریف نے کہا ہے ہم جلسے الیکشن کے قریب کریں گے، کمی محسوس ہو رہی تھی، عوامی رابطہ مہم ہم نے چھوڑ دی تھی، میری سرجری ہوئی تو لندن میں 4 ماہ لگ گئے.
انھوں نے کہا کہ اپوزیشن کے دور میں آپ کے پاس وقت ہوتا ہے اس وقت ہمارا بیانیہ بھی مضبوط تھا، 4، 5 سال ہمارے بہت متحرک گزرے۔
مریم نواز نے کہا کہ مجھے عوام کے رسپانس کا اندازہ بھی نہیں تھا، میں ائیر پورٹ پہنچی تو عوام کا رد عمل ملنا شروع ہو گیا، بے تحاشہ لوگ میرے استقبال کیلئے آئے مجھے توقع نہیں تھی.
میں نے نواز شریف سے کہا مجھے توقعات سے زیادہ رسپانس ملا ہے، لوگوں کا جذبہ اصل پیمانہ ہوتا ہے، بہاولپور، ملتان، ایبٹ آباد میں لوگوں کو بہت جذبہ تھا.
اسلام آباد میں ڈاکٹر طارق فضل چودھری نے میرا بڑا اچھا استقبال کیا، میاں صاحب کو فون کیا اور انہیں کل کے کنونشن کا احوال بتایا، میاں صاحب کے نہ ہونے سے پارٹی امور پر اثر تو آتا ہے۔
تبصرے بند ہیں.