فائل:فوٹو
راولپنڈی:پاکستان پاکستان تحریک انصاف کے چیئرمین عمران خان کو توشہ خانہ کیس میں نیب نے طلب کر لیا۔
نیب راولپنڈی نے سابق وزیراعظم عمران خان کو 9 مارچ کو طلب کرنے کا نوٹس جاری کیا، قومی احتساب بیورو نے 8 نومبر 2022 کو چیئرمین پاکستان تحریک انصاف کے خلاف توشہ خانہ کیس کی تحقیقات شروع کی تھیں جس کے بعد کابینہ ڈویژن اور سرکاری توشہ خان سے عمران خان کے تحائف کا ریکارڈ حاصل کیا گیا۔
عمران خان کو 9مارچ کو سہ پہر اڑھائی بجے نیب راولپنڈی آفس جی سکس اسلام آباد میں پیش ہونے کی ہدایت کی گئی ہے ان کو نیب کی جانب سے نوٹس بنی گالہ اور چک شہزاد اسلام آباد کے پتوں پر بھجوا دیا گیا ہے
نیب نوٹس میں عمران خان پر حکومت میں ملنے والے تحائف کو فروخت کرنے کا الزام عائد کیاگیاہے جبکہ انہوں نے چار رولیکس گھڑیاں، ایک آئی فون سمیت قیمتی گھڑی اور دیگر تحائف خلاف قانون فروخت کئے۔
ذرائع کے مطابق کابینہ ڈویژن، سرکاری توشہ خانہ کے افسران کا ابتدائی بیان بھی قلمبند کر لیا گیا ہے، ڈی جی نیب راولپنڈی توشہ خانہ کیس کی تحقیقات کی نگرانی کر رہے ہیں۔
خیال رہے کہ سابق وزیر اعظم عمران خان پر توشہ خانہ کے تحائف لیتے ہوئے اشیاء کے کم ریٹ لگانے کا الزام ہے۔
تبصرے بند ہیں.