فائل:فوٹو
کراچی: پاکستانی نامور اداکارہ صنم جنگ کاکہنا ہے کہ صحت مند اور موٹی اداکاراوٴں کو شوبز میں پتلی لڑکیوں کے مقابلے میں کم مواقع ملتے ہیں۔ یہ خوبصورتی کا ایک معیار سمجھا جاتا ہے
برطانوی نشریاتی ادارے سے گفتگو میں اداکارہ کا کہنا تھا کہ مونا کا کردار ہمارے معاشرے اور شوبز انڈسٹری کے مطابق ہے، خواتین فنکاروں سے توقع کی جاتی ہے کہ وہ پتلی ہوں۔
صنم جنگ کا کہنا تھا کہ میں نے موٹی خواتین کو کبھی اسکرین پر نہیں دیکھا، اگر آپ کا وزن کم ہے تو آپ شوبز انڈسٹری میں آسانی کے ساتھ داخل ہوسکتی ہیں اور یہ خوبصورتی کا ایک معیار سمجھا جاتا ہے۔
اداکارہ نے بتایا کہ اگر کسی خاتون کا وزن زیادہ ہو تو اس کیلئے ہماری انڈسٹری میں داخل ہونا بہت مشکل ہے۔
انہوں نے کہاکہ پیاری مونا‘ میں دماغی صحت، ڈپریشن اور مثبت جسمانی معاملات پر توجہ دی گئی ہے اور یہ ٹی وی پر چلنے والے روز مرہ کے ڈراموں سے بالکل مختلف رخ پر ہے۔
خیال رہے کہ ڈراما سیریز ’پیاری مونا‘ میں اداکارہ کے کردار گزشتہ چند مہینوں سے کافی گفتگو کی گئی ہے، یہ سیریز ایک ایسی موٹی خاتون کے گرد گھومتی ہے جو معاشرے کے معیار کے مطابق نہیں ہے۔
تبصرے بند ہیں.