فوٹو : پی ایس ایل
راولپنڈی: پی ایس ایل 8 کے 19ویں میچ میں اسلام آباد یونائیٹڈ نے کراچی کنگز کو 6 وکٹوں سے شکست دے دی جس کے ساتھ ہی کنگز ٹرافی دوڑ سے آوٹ ہو گیا ہے۔
اب تک اسلام آباد یونائیٹڈ 8 پوائنٹس کے ساتھ ایونٹ کی فہرست میں تیسرے نمبر پر آگئی ہے جبکہ کراچی کنگز کا پی ایس ایل 8 کا سفر اپنے اختتام کو پہنچ گیا۔
ایونٹ میں اسلام آباد یونائیٹڈ نے 6 میچز میں سے 4 میں فاتح رہی جبکہ اسے دو میں شکست کا سامنا کرنا پڑا ہے، یوں پوائنٹس ٹیبل پر اس کے 8 پوائنٹس ہیں۔
پہلے کھیلتے ہوئے کراچی کنگز نے اسلام آباد یونائیٹڈ کو 202 کا بڑا ہدف دیا تھا، لیکن وہ اس کا دفاع کرنے میں ناکام ثابت ہوئی اور میچ 4 گیندوں قبل ہی ختم ہوگیا۔
Of course they had to do it in style. @IsbUnited are the winners 👏🏽#SabSitarayHumaray l #HBLPSL8 I #IUvKK pic.twitter.com/iBy1B2OeW8
— PakistanSuperLeague (@thePSLt20) March 3, 2023
کپتان عماد وسیم کے 92 رنز کی بدولت بڑا اسکور بنانے والی کراچی کنگز ایونٹ میں 8 میچز کھیل چکی ہے، اسے صرف 2 کامیابی ملی جبکہ 6 میں ناکامی کا سامنا کرنا پڑا ہے۔
اسلام آباد یونائیٹڈ کی طرف سے اعظم خان نے 72 رنز کی ناقابل شکست اننگز کھیلی جبکہ فہیم اشرف 41 اور ایلکس ہیلز 34 رنز کے ساتھ نمایاں بیٹرز رہے۔
اسلام آباد یونائیٹڈ نے 19 اعشاریہ 2 اوورز میں 4 وکٹ پر 204 رنز بنائے اور فتح اپنے نام رقم کرلی۔
کراچی کنگز نے اسلام آباد یونائیٹڈ کے خلاف ٹاس جیت کر پہلے بیٹنگ کا فیصلہ کیا اور اسکور بورڈ پر مقررہ 20 اوورز میں 5 وکٹ پر 201 کا مجموعہ سجایا۔
کراچی کنگز کے کپتان عماد وسیم 54 گیندوں پر 92 رنز کی ناقابل شکست اننگز کھیلی اور ٹیم کی طرف سے بڑا ٹارگٹ سیٹ کرنے میں نمایاں کردار ادا کیا۔
عماد وسیم کی اننگز میں 2 چھکے اور 11 چوکے شامل تھے، وہ پی ایس ایل 8 میں 329 رنز بنا چکے ہیں۔
دیگر کھلاڑیوں میں عرفان خان 30، ایڈم روسینگٹن 20، طیب طاہر 19، شعیب ملک 12 اور شرجیل خان 8 رنز بناکر پویلین لوٹے۔
اسلام آباد یونائیٹڈ کے ٹام کَرن نے 2، فہیم اشرف، رومان رئیس اور حسن علی نے 1،1 وکٹ حاصل کی۔
تبصرے بند ہیں.