فوٹو : فائل
اسلام آباد : شبلی فراز اور 150 کارکنوں کیخلاف مقدمہ لاہور میں مقدمہ درج، شبلی فراز پر غلط بیانی کا الزام ہے انھوں نے کہا تھاعمران خان گھر پہ نہیں ہیں.
تحریک انصاف کے چیئرمین عمران خان کو وارنٹ گرفتاری موصول کرانےکے لیے لاہور آنے والی اسلام آباد پولیس نے شبلی فراز سمیت ڈیڑھ سو نامعلوم کارکنوں کے خلاف مقدمہ درج کرا دیا۔
یہ مقدمہ ایس ایچ او تھانہ سیکرٹریٹ اسلام آباد ندیم طاہر کی مدعیت میں تھانہ ریس کورس لاہور میں درج کرایا گیا ہے، اسلام آباد پولیس وارنٹ لیکر لاہور پہنچی تھی.
ایف آئی آر کے مطابق ایس ایچ او تھانہ سیکرٹریٹ اسلام آباد ندیم طاہر ایڈیشنل سیشن جج اسلام آباد کی جانب سے جاری وارنٹ گرفتاری لےکر عمران خان نیازی کی رہائش گاہ زمان پارک لاہور گئے۔
ایف آئی آر میں کہا گیا ہےکہ شبلی فراز نے غلط بیانی کرتے ہوئےکارِ سرکار میں مداخلت کی اور لکھ کر دیا کہ عمرن خان نیازی وہاں موجو دنہیں ہیں.
متن میں یہ بھی درج ہے کہ اس موقع پرڈنڈوں سے مسلح 100 سے ڈیڑھ سو کارکنوں نے انہیں روکے رکھا اور جان سے مارنے کی دھمکیاں بھی دیں۔
تبصرے بند ہیں.