پنجاب اسمبلی کے انتخابات کا الیکشن کمیشن نے شیڈول جاری کر دیا

فوٹو : فائل 

اسلام آباد: پنجاب اسمبلی کے انتخابات کا الیکشن کمیشن نے شیڈول جاری کر دیا، 12 مارچ سے کاغذات نامزدگی کی وصولی شروع ہو جائے گی. 

الیکشن کمیشن کی جانب سے جاری بیان کے مطابق پنجاب میں عام انتخابات 30 اپریل کو ہوں گے جب کہ  کاغذات نامزدگی 12سے14مارچ تک جمع کرائے جائیں گے. 

انتخابات کے لیے کاغذات نامزدگی کی جانچ پڑتال 22 مارچ تک ہوگی،امیدوار 5 اپریل تک کاغذات نامزدگی واپس لے سکیں گے جب کہ انتخابی نشانات 6اپریل کو دیےجائیں گے۔

اس کے علاوہ الیکشن کمیشن نے عمران خان کی خالی 6 نشستوں کا بھی شیڈول جاری کردیا ہے ان کی تاریخ دیدی ہے. 

عمران خان کی خالی ہونے والی 6 نشستوں این اے 22مردان،این اے 24چارسدہ، این اے 31پشاور، این اے 108فیصل آباد،این اے118ننکانہ صاحب اوراین اے239 کورونگی کراچی میں انتخابات 30 اپریل کو ہوں گے۔