فوٹو: پی ایس ایل
لاہور: ملتان سلطانز لاہور قلندر کو 84 رنز سے ہرا کرپی ایس ایل کے فائنل میں پہنچ گیا، لاہور قلندر کی پوری ٹیم 160 رنز کے ہدف کے تعاقب میں14.3اوورز میں 76 رنز پر آؤٹ ہوگئی۔
قذافی اسٹیڈیم لاہورمیں کھیلے گئے پہلے پلے آف میں ملتان سلطانز کے کپتان محمد رضوان نے ٹاس جیت کر پہلے بیٹنگ کا فیصلہ کیا اور مقررہ اوورز میں159 رنزبنائے۔
ملتان سلطانز کی جانب سے محمد رضوان اور عثمان خان نے اننگز کا آغاز کیا،سلطانز کو پہلا نقصان 53 رنز پر ہوا جب پی ایس ایل کے تیز ترین سنچری میکر عثمان 28 گیندوں پر 29 رنز بنا کر حارث کی گیند پر بولڈ ہوئے۔
اس کے بعد رائیلی روسو بھی 13 رنز پرچلتے بنے ،محمد رضوان نے 29 گیندوں پر 33 رنز کی اننگز کھیلی اور وہ راشد خان کی گیند پر بولڈ ہو گئے، انہوں نے پی ایس ایل کے اس سیزن میں اپنے 500 رنز مکمل کیے۔
The winning moment courtesy of starboy @iAbbasAfridi55 🤩#HBLPSL8 | #SabSitarayHumaray | #LQvMS pic.twitter.com/iVHQFFChY5
— PakistanSuperLeague (@thePSLt20) March 15, 2023
کیرون پولارڈ نے 34 گیندوں پر 6 چھکوں کی مدد سے 57 رنز کی اننگز کھیلی جبکہ ٹم ڈیوڈ 22 رنز بنا کر ناٹ آؤٹ رہے اور انہی دو کی اننگز کی بدولت سلطانز اچھا ٹوٹل کرسکا۔
لاہور کے حارث رؤف نے 3 کھلاڑیوں کو آؤٹ کیا جبکہ ایک ایک وکٹ زمان خان اور راشد خان کے حصے میں آئی، کپتان شاہین شاہ آفریدی 4 اوورز میں 47 رنز دیکر کوئی وکٹ حاصل نہ کر سکے۔
ہدف کے تعاقب میں لاہور قلندرز کے فخر زمان اور آغا طاہر بیگ نے آغازکیا لیکن 15 رنز پر پہلے آغا طاہر آؤٹ ہوئے اور پھر ایک گیند بعد عبد اللہ شفیق بھی کوٹریل کی گیند پر ایل بی ڈبلیو ہو گئے ۔
اس کے بعد 19 کے مجموعے پر فخر زمان کو انور علی نے بولڈ کر دیا،شاہین شاہ آفریدی بھی 28 رنز پر کوٹریل کی گیند پر صفر پرکیچ آؤٹ ہو گئے۔
دوسرف جانب 41 رنز پر حسین طلعت رن آؤٹ ہو گئے اور اس طرح قلندرز کی آدھی ٹیم دسویں اوور میں پویلین لوٹ گئی۔
سکندر رضا کو کیرون پولارڈ نے عباس آفریدی کے ہاتھوں کیچ آؤٹ کرایا جبکہ سیم بلنگز 27 گیندوں پر 19 رنز کی اننگز کھیل کر احسان اللہ کا شکار بنے، راشد خان بھی صفر پر آوٹ ہوئے۔
لاہور قلندر اب دوسرے ایلیمنیٹر میں جیتنے والی ٹیم کے مدمقابل ہو گی اور پھر جو بھی ٹیم دوسرا ایلیمنیٹر جیتے گی وہ فائنل میں ملتان سلطانز کا سامنا کرے گی۔
تبصرے بند ہیں.