فوٹو : فائل
نیویارک : اقوام متحدہ کا چئیرمین تحریک انصاف عمران خان کے خلاف کاروائی پر ردعمل سامنے آیا ہے سیکرٹری جنرل کے ترجمان نے کہا ہے کہ زمان پارک کشیدہ صورتحال پر نظر ہے۔
اس حوالے سے اقوام متحدہ نے چئیرمین پاکستان تحریک انصاف عمران خان کے خلاف کاروائی پر جاری بیان میں سیکرٹری جنرل یواین کے ترجمان اسٹیفن ڈوجرک نے کہا کہ پاکستان میں صورتحال پرنظر رکھے ہوئے ہیں، کشیدگی میں کمی کی امید ہے۔
اسٹیفن ڈوجرک نے کہا ہے کہ ابھی صورتحال بہتر ہونے کا علم ہوا ہے، قانون کی حکمرانی یقینی بنائی جائے، ہمیشہ کہتے ہیں عوام کے پرامن احتجاج کے حق کا احترام کیا جائے۔
دوسری طرف گزشتہ دو روز تک زمان پارک میدان جنگ بنارہا، وقفے وقفے سے پولیس اورکارکنوں میں جھڑپیں ہوتی رہیں اس دوران دونوں طرف سے متعدد افراد زخمی ہوئے۔
عدالتی حکم پر آپریشن روکا گیا ہے تاہم اس دوران سابق وزیراعظم عمران خان کے خلاف ایک اور مقدمہ درج کر لیا گیا ہے جو کہ زمان پارک واقعہ سے متعلق ہے، بقول عمران خان کے ان کے خلاف پہلے ہی 80 مقدمات درج کئے گئے ہیں.
تبصرے بند ہیں.