فوٹو: فائل
اسلام آباد: پاکستانی یونیورسٹیوں کے وائس چانسلرز مطالعاتی دورے پر جنوبی کوریا پہنچ گئے ہیں(USAID’s Higher Education System Strengthening Activity) حصہ کی سولہ میں سے گیارہ پارٹنر یونیورسٹیوں کے وائس چانسلرز یوٹاہ یونیورسٹی کی جانب سے، ہائر ایجوکیشن سسٹم سٹرینتھننگ ایکٹیویٹی (حصہ) کے تحت مطالعاتی دورے پر جنوبی کوریا روانہ ہوئے۔
وی سیز کی ہفتہ بھر کے دورے کی میزبانی جمہوریہ کوریا کے انچیون میں واقع یوٹاہ یونیورسٹی کر رہی ہے۔ وائس چانسلرز کے لئے تربیتی پروگرام کا مقصد یونیورسٹی کے لیے مخصوص کاروبار اور پائیداری کے منصوبے تیار کرنا ہے۔
وفد کو انچیون میں انٹرنیشنل گلوبل کیمپس (IGC) میں تعلیمی و تحقیقی سرگرمیوں سے متعارف کرایا جائے گا جہاں ممتاز ادارے مثلاً یوٹاہ یونیورسٹی، نیویارک کی اسٹونی بروک اسٹیٹ یونیورسٹی، جارج میسن یونیورسٹی، اور بیلجیم کی گینٹ یونیورسٹی بھی شامل ہیں۔
پاکستانی اعلیٰ تعلیمی قیادت IGC مینجمنٹ اور گورننس ٹیم کے ساتھ بات چیت کرے گی تاکہ ادارہ جاتی گورننس کے نظام کو مربوط بنانے کے طریقوں کو عمل میں لایا جا سکے۔
ڈاکٹر اسلم چوہدری، یونیورسٹی آف یوٹاہ میں اکنامکس کے ریسرچ پروفیسر اور پارٹی HESSA کے چیف کی قیادت میں، اس مطالعاتی دورے کا مقصد HESSA پارٹنر یونیورسٹیوں کے لیے کاروبار اور سٹریٹجک منصوبہ بندی کا آغاز کرنا ہے۔
وائس چانسلرز جامعات کی ترقی اور توسیع کے لیے کاروباری منصوبوں کی ترقی، طے شدہ اہداف اور ان کے حصول کے لیے حکمت عملی، شراکت داری سمیت وسائل کو متحرک کرنے اور ہنگامی منصوبہ بندی جیسے موضوعات پر تربیت اور بات چیت میں مشغول ہوں گے۔
سٹریٹجک منصوبہ بندی میں ادارہ جاتی صلاحیتوں کو مضبوط کرنا پائیداری کے لیے بہت اہم ہے اور “حصہ” کی شراکت دار یونیورسٹیوں کو ایسے پروگرامز کے قابل بنائے گی جو طلباء کو کیمپس کا تجربہ فراہم کریں گے اور ملازمت کی صلاحیت کو بڑھانے میں قابلِ ذکر شراکت کریں گے.
تبصرے بند ہیں.